प्रधानमन्त्रीलाई घेराबन्दीमा पार्ने तयारी भएपछि सचिवालय बैठक स्थगित
नेपालबहस संवाददाता
असोज ५, २०७७ सोमबार १८:३०:२८
५ असोज, काठमाडौं । सहमतिको खाकासहित नेकपाको सचिवालय बैठक बस्दा मन्त्रीहरुको छनौटमा किचलो हुने देखेपछि आजका लागि निर्धारित बैठक भोलिसम्मका लागि स्थगित गरिएको छ ।
प्रधानमन्त्रीसमेत रहेका नेकपा अध्यक्ष केपी ओलीमाथि मन्त्री बनाउने विषयमा सचिवालय बैठकले अप्रिय निर्देशन दिने तयारी भईरहेको बुझेपछि भोलिसम्मका लागि बैठक स्थगित भएको हो । पूर्व माओवादी केन्द्रीय कार्यालय रहेको कोटेश्वरको पेरिसडाँडास्थितमा हिजो भएको सचिवालय बैठकमा सहभागीहरुले मन्त्रीहरुको नाम नै पारित गर्ने अवस्था देखेका ओलीले आजको बैठक एकाएक स्थगित गरे ।
बालुवाटार निकट स्रोत भन्छ– आज गृहकार्य नगरी बैठक गरेको भए सचिवालयले प्रधानमन्त्री ओलीका लागि अप्रिय निर्णय गर्ने अवस्था थियो । त्यसैले यसबारे दुई अध्यक्षले साझा खाका तयार गरेर जाने वातावरण तयार गरिने छ । सचिवालय बैठकले राष्ट्रियसभा सदस्य रहेका बामदेव गौतम र नारायणकाजी श्रेष्ठलाई मन्त्रालय नै तोकेर मन्त्री बनाउने अवस्था देखिएकोले बैठक स्थगित गर्नुपरेको हो – स्रोतले भन्यो ।
गौतम र श्रेष्ठलाई मन्त्रीमण्डलमा ल्याउन ओली तयार थिए । तर त्यसको जस अर्का अध्यक्ष पुष्पकमल दाहाल प्रचण्ड र नेता माधवकुमार नेपालले लिन खोजेको आभास भएपछि ओली हच्किएका हुन् । ओलीलाई नियन्त्रण गर्न गौतम र श्रेष्ठलाई अर्थ र परराष्ट्र मन्त्रालय जिम्मा लगाउने गरी निर्णय गराउने तयारी भएको थियो । आज सचिवालय बैठक बसेको भए त्यही अनुरुपको निर्णय हुनेवाला थियो– स्रोतको दाबी छ ।
त्यसैले प्रधानमन्त्री ओलीले अब प्रचण्डसँग छलफल गरेपछि मात्रै पुनर्गठनबारे ठोस प्रस्ताव तयार गर्ने उनले बताए । आज दिउँसो नै ओली र प्रचण्डबीच वालुवाटारमा छलफल गर्ने तयारी भएको पनि स्रोतले बतायो । प्रधानमन्त्रीलाई घेराबन्दी गर्ने गरी गौतम र श्रेष्ठलाई क्याबिनेटमा पठाउने कसरत भएको भन्दै ओली आक्रोशित भएका छन् ।
यसबारे आज प्रचण्डसँग कुरा हुने छ– स्रोतले भन्यो । साथै, गौतम र श्रेष्ठको राष्ट्रियसभा सदस्य र मन्त्री बन्ने विषय न्यायिक परीक्षणको विषय हुने भन्दै ओलीले केही समय मन्त्रिपरिषद पुनर्गठन नगर्ने प्रस्ताव राख्ने बुझिएको छ । गौतमलाई राष्ट्रियसभा सदस्यका रुपमा काम गर्न रोक लगाउन भन्दै वरिष्ठ अधिवक्ता दिनेश त्रिपाठीले सर्वाेच्च अदालतमा रिट दायर गरेका छन् ।
यसको छिनोफानो नभएसम्म मन्त्रिपरिषद पुनर्गठनको विषय थाँती राख्न ओली सहमत भएका छन् । तर प्रचण्ड भने तत्कालै पुनर्गठन गर्नुपर्ने पक्षमा रहेको बुझिएको छ । आज यसै सन्दर्भमा दुई अध्यक्षबीच खुलेर कुरा हुनेछ – स्रोतले भन्यो ।
हिजोको सचिवालय बैठकले यसबारे अन्तिम निर्णय गर्न अध्यक्षद्वयलाई जिम्मा दिएकाले पनि थप छलफल आवश्यक भएको बताइएको छ ।
हिजोको बैठक मन्त्रिपरिषद पुनर्गठन र गौतमको राष्ट्रियसभा प्रवेशकै सन्दर्भमा केन्द्रित थियो । कार्यकारी अध्यक्ष प्रचण्डलगायत प्राय सबैले घुमाइफिराई गौतम र श्रेष्ठलाई मन्त्री बनाउनुपर्नेमा केन्द्रित भएकाले नै ओलीमाथि दबाब बढेको हो ।
प्रधानमन्त्री ओली आफैं गौतम र श्रेष्ठलाई मन्त्री बनाउन तयार भएका बेला प्रचण्ड र नेता नेपालले अनावश्यक रुपमा खेल्न थालेको भन्दै यस्तो मनोविज्ञानमा काम गर्दा पार्टी एकताले साकार रुप लिनेमा आशंका गर्न सकिन्छ– ओली निकट स्रोतको भनाई छ । त्यसैले अब मापदण्ड बनाएर मात्रै पुनर्गठन गर्ने पक्षमा ओली पुगेका छन् । राम्रो काम गर्नेलाई निरन्तरता दिन ओली सकारात्मक छन् ।
तर सचिवालय सदस्यहरु भने सकेसम्म नयाँ टिम बनाएर जाने पक्षमा देखिएका छन् । त्यसो गर्दा ओलीलाई नियन्त्रण गर्न सजिलो हुने बुझाई प्रचण्ड नेपाल पक्षको रहेको छ । कार्यकारी अध्यक्ष प्रचण्ड यतिबेला ओलीसँग मिलेर जान तयार छन् । तर भित्रैबाट ओलीलाई विश्वास गर्न भने सकेका छैनन् । त्यसैले कतिपय मुद्धामा उनी नेता नेपालसँग निकट सम्बन्ध राखेर काम गर्न चाहन्छन् । मन्त्रिपरिषद पुनर्गठनका सन्दर्भमा समेत उनी नेता नेपालको अजेण्डासँग सहमत देखिएका छन् ।
त्यसैले प्रधानमन्त्री ओलीले प्रचण्डलाई आफ्नो अजेण्डामा ल्याउन फकाउने पक्षमा रहेका छन् । मोडालिटी बनाएर पुनर्गठन गर्ने विषय पनि त्यसैको एउटा अंश मात्र हो । तर दुई जना अध्यक्ष मात्रै बसेर तयार गरिने मोडालिटीप्रति गौतम भने सकारात्मक देखिएका छैनन् । हिजोको बैठकमा उनले कसलाई के अधारमा मन्त्री बनाउने भन्ने विषय दुुई अध्यक्षले मात्र नगरी सचिवालय बैठकले नै गरोस् भन्ने प्रस्ताव राखेका थिए ।
ओलीले आज प्रचण्डसँग मन्त्रिमण्डल पुनर्गठनलगायत संवैधानिक नियुक्तिमा समेत सहमतिको प्याकेज तयार गर्ने भएका छन् । त्यसैका आधारमा कसलाई मन्त्री बनाउने वा हटाउनेसमेत निर्धारण गरिने छ– स्रोतको भनाई छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंसदको गतिरोध हटाउन प्रधानमन्त्री र कांग्रेस नेताहरुबीच छलफल
जेठ १, २०८१ मंगलबार
एकीकृत समाजवादीको केन्द्रीय समितिको बैठक आजदेखि
जेठ १, २०८१ मंगलबार
कांग्रेस संसदीय दलको बैठक बस्दै
जेठ १, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
उपप्रधान एवं स्वास्थ्यमन्त्री उपेन्द्र यादवले दिए राजीनामा
बैशाख ३१, २०८१ सोमबार
'कान्स फिल्म फेस्टिभल'मा सहभागी हुन बालेन फ्रान्स प्रस्थान
जेठ १, २०८१ मंगलबार
संसदको गतिरोध हटाउन प्रधानमन्त्री र कांग्रेस नेताहरुबीच छलफल
जेठ १, २०८१ मंगलबार
एकीकृत समाजवादीको केन्द्रीय समितिको बैठक आजदेखि
जेठ १, २०८१ मंगलबार
क्रिकेटर सन्दीप लामिछानेको मुद्दामा आज पेशी, होला त सुनुवाइ ?
जेठ १, २०८१ मंगलबार
कांग्रेस संसदीय दलको बैठक बस्दै
जेठ १, २०८१ मंगलबार
सरकारको नीति तथा कार्यक्रम आज सार्वजनिक हुँदै
जेठ १, २०८१ मंगलबार