वीर अस्पतालमा आँखा निकालिएको घटनाको छानबिन गर्न कांग्रेस बीपीको माग

६ असोज, एजेन्सी । वीर अस्पतालमा कोरोना मृत्तकको आँखा निकालिएको घटना बाहिरिएको घटनाको गम्भिर छानबिन गर्न नेपाली कांग्रेस बीपीले माग गरेको छ । मंगलबार एक विज्ञप्ती जारी गर्दै बीपी कांग्रेसले कोरोनाको बाहनामा मरेको भनि आँखा निकालेको, घाँटी काटेको जस्तो गम्भिर कुरा बाहिर आएकाले यसबारेको सत्यतथ्य बाहिर ल्याउन कांग्रेस बीपीले माग गरेको हो ।

मंगलबार वीर अस्पतालमा एक कैदीको मृत्यु भएको सुचना बाहिरिएपछि आफन्तले अस्पताल नै तोडफोड गरेका थिए । केन्द्रिय कारागार थुनामा रहेका रुपन्देहीका रामलखन जयसवाललाई केहि दिन अघि कोरोना देखिएर स्वास्थ्य अवस्था जटिल बनेपछि वीर अस्पतालमा भर्ना गरिएको थियो ।

उपचारकै क्रममा उनको मृत्यु भएको अस्पतालको भनाई छ । तर एकाएक मृत्यु भएको भनि परिवारलाई खबर गएपछि उनीहरु अस्पताल आएका थिए । तर अस्पतालले शव हेर्न भने दिएन । झ्यालबाट चिहाएर हेर्दा उनको आँखा निकालिएको, घाटी काटिएको भिडियो नै आफन्तले भाइरल बनाएका थिए ।

यस्तो गम्भिर लापरबाही सरकारी अस्पताल वीरमा देखिएको भन्दै तत्काल छानबिन गर्न कांग्रेस बीपीले माग गरेको हो । छानबिनका क्रममा दोषी भेटिनेलाई कारवाही गर्न पनि कांग्रेस बीपीकाका कार्यालय सचिव शुशिलराज वाग्लेले जारी गरेको विज्ञप्तीमा उल्लेख छ ।