एक्लिए मेस्सी, स्वारेज एट्लेटिको मड्रिडमा !

७ असोज, एजेन्सी । बार्सिलोेनामा लियोनल मेस्सी एक्लिएका छन् । बार्सिलोनाले लुईस स्ववरोजलाई ला लिगा प्रतिद्धन्दी क्लब एट्लेटिको मड्रिडलाई बेचेपति मेस्सी नोउ क्याम्पमा एक्लिएका हुन् ।

पासर्पोट नपाएर युभेन्ट्स जान नपाएका स्वारेज अन्ततः एट्लेटिको मड्रिड जाने पक्का भएको हो । एट्लेटिको मड्रिडमा आफ्नो तलब घटाउन समेत स्वारेज सहमत बनेका छन् । बार्सिलोनाका अध्यक्ष जोसेप मारिया बर्टोमेउले सुआरेजको सम्झौतालाई रोकेर राखेका थिए । उनी स्पेनिस प्रतिद्धन्दी क्लबमा उनलाई पठाउन चाहदैन थिए ।

तर सुआरेजका प्रतिनिधिसंग छलफल भएपछि क्याटलान क्लबमा प्रतिनिधि उरुग्वेका फरवार्डलाई रिलिज गर्न सहमत बनेका हुन् । सुआरेजले आफ्नो गुनासो मिडियामा पोख्ने धम्कि दिएपछि बार्सिलोना समेत उनलाई छोेड्न सहमत बनेको हो ।

एट्लेटिको मड्रिडले सुआरेजलाई सामान्य मुल्य तिर्नेछ । त्यो रकम कम्तिमा ४ मिलियन युरो भन्दा बढी हुनेछैन । सबै मुल्य च्याम्पियन्स लिगमा छनोटमा गरिने प्रर्दशनमा निर्भर रहनेछ । उनले बार्सिलोनामा रहने भन्दा झण्डै आधा रकम एट्लेटिकोमा आर्जन गर्नेछन् ।

उनी बार्सिलोनामा ६ बर्षको बसाईलाई बिट मार्दै क्लबबाट निस्कन लागेका हुन् । उनले बार्सिलोनामा रहदा २ सय ८३ खेलमा १ सय ९८ गोल गरेका थिए । उनले लियोनल मेस्सी र नेयमारपछि बार्सिलोनामा सर्वाधिक गोल गरेका छन् ।

उनी सन् २०१४ मा लिभरपुलबाट ७४ मिलियन पाउण्डमा ला लिगा क्लबमा जोडिएका थिए । स्वारेजमा बार्सिलोनामा छँदा चार ला लिगा, चार कोपा डेल रे, च्याम्पियन्स लिग र क्लब विश्वकपको उपाधि जितेका थिए ।