हट दीपिकासँग रोमान्स गर्दै पुष्प

७ असोज, काठमाडौं । म्युजिक भिडियोबाट उदाएका नायक पुष्प खड्काले हट नायिका दिपीका प्रसाईसँग रोमान्स गर्ने भएका छन् । दिपक वलीको निर्देशनमा बन्ने कृष्ण लिलामा दिपीका र पुष्पले रोमान्स गर्ने भएका हुन् ।

यो चलचित्र लक्ष्मण सुवेदीले लेखेका हुन् । अर्जुन पोखरेलले चलचित्रका गीतमा संगीत भर्नेछन् । चलचित्रमा दिपीका र पुष्पसँगै वुद्दी तामाङ, रविन्द्र झा लगायतका कलाकार पनि हुनेछन् ।

चलचित्रको छायांकन इलामको साथमा तराइका विभिन्न जिल्लामा हुनेछ । रोहित कट्टेलको प्रस्तुतीमा तयार हुन लागेको यो चलचित्रका निर्माता रत्न श्रेष्ठ हुन् ।

कञ्चनपुरका नायक पुष्प र धनगढीकी नायिका दिपीकाले पहिलोपटक स्क्रिन शेयर गर्ने भएका हुन् । निर्देशक दिवाकर भट्टराईसँग बिहे गरेपछि दीपिकाले पहिलोपटक फिल्म खेल्न लागेकी हुन् । फिल्म ऐश्वर्याबाट डेब्यु गरेकी उनको सफल चलचित्र छक्कापञ्जा हो । पुष्पले केही चलचित्र खेलेपनि सफल हुन सकेका छैनन् ।