सिन्धुपाल्चोक र बाग्लुङलाई संकटग्रस्त क्षेत्र घोषणा गर्ने सरकारको निर्णय

७ असोज, काठमाडौं । बाढी पहिरोले थलिएको सिन्धुपाल्चोक र बाग्लुङलाई सरकारले विपत संकटग्रस्त क्षेत्र घोषणा गरेको छ । मन्त्रिपरिषदको मंगलबार बसेको बैठकले बाढी पहिरोबाट प्रभावित दुबै जिल्लालाई विपत संकटग्रस्त क्षेत्र घोषणा गर्ने निर्णय गरेको सरकारका प्रवक्ता प्रदीप ज्ञवालीले जानकारी दिए ।

मन्त्रिपरिषद बैठकका निर्णय सार्वजनिक गर्दै सरकारका प्रवक्ता एवं परराष्ट्रमन्त्री प्रदीप ज्ञवालीले पछिल्लो दुई महिनामा सयौंले ज्यान गुमाएको सिन्धुपाल्चोक र बाग्लुङलाई संकटग्रस्त क्षेत्र घोषणा गरिएको बताएका हुन् ।

यस्तै सरकारले विश्व बैंकबाट प्राप्त हुने करिब ६ अर्ब रुपैयाँ लगानी गरेर पुनर्निर्माणको काम गरिनेछ । यसको अगुवाई विपत व्यवस्थापन प्राधिकरणले गर्ने मन्त्री ज्ञवालीको भनाई छ ।