निरन्तर रुपमा ओरालो लागेको सुनको मूल्य फेरि उकालो

९ असोज, काठमाडौं । सुनको मूल्य शुक्रबार फेरि उकालो लागेको छ । पछिल्लो केही दिन यता निरन्तर रुपमा ओरालो लागेको आज भने केही बढेको हो ।  आज सुनको भाउ प्रतितोला ८ सय रुपैयाँ बढेको छ ।

नेपाल सुनचाँदी व्यवसायी महासंघका अनुसार छापावाल सुनको भाउ तोलाको ९३ हजार ९ सय रुपैयाँमा कारोबार भएको छ । यसैगरी, तेजावी सुनको मूल्य तोलाको ९३ हजार ४ सय रुपैयाँ निर्धारण भएको छ । यसदिन चाँदीको भाउ पनि प्रतितोला ११ सय ६० रुपैयाँ कायम भएको छ ।

यसअघि, बिहीबार छापावाल सुनको भाउ तोलाको ९३ हजार १ सय रुपैयाँमा कारोबार भएको थियो । यसैगरी, तेजावी सुनको मूल्य तोलाको ९२ हजार ६ सय रुपैयाँ र चाँदी तोलाको ११ सय ६० रुपैयाँ कायम भएको थियो ।