आजभाेलि नै मन्त्रिमण्डल पुनर्गठन गर्न अध्यक्षद्वय सहमत
नेपालबहस संवाददाता
असोज ९, २०७७ शुक्रबार १९:७:३६
९ असोज, काठमाडौं । राजनीतिक गतिले कुनै अर्काे रुप लिएन भने आज साँझै बहुप्रतिक्षित मन्त्रिमण्डल पुनर्गठन हुने भएको छ । आज दिउँसो अध्यक्षद्वय केपी ओली र पुष्पकमल दाहाल प्रचण्डबीच यसबारे निर्णायक छलफल हुने स्रोतले जनाएको छ । हिजो भएको छलफल सकारात्मक रहेको र आज प्रधानमन्त्री ओली प्रचण्डले सुझाएकै मोडालिटीमा जान तयार भएकाले पुनर्गठनको सम्भावना बढेको हो ।
पुनर्गठन गर्दा कस्तो मोडालिटी तयार गर्ने भन्ने विषयमा अध्यक्षद्वयको धारणा समान थिएन । ओली अहिले भएका मन्त्रीहरुलाई निरन्तरता दिंदै खाली मन्त्रालयमा मात्रै थप्ने पक्षमा थिए भने प्रचण्ड चाहिं आमूल परिवर्तन गरी सकेसम्म सबैलाई मौका दिने सोचमा रहेका थिए । तर अब प्रचण्डले चाहेकै मोडालिटीमा सहमति बन्ने भएको छ– बालुवाटार निकट स्रोतले भन्यो । त्यसका लागि प्रधानमन्त्री ओली सहमत भइसक्नु भएको छ । त्यसैले मिल्यो भने आजै साँझ पुनर्गठनको सम्भावना रहेको छ– स्रोतको भनाई छ ।
राष्ट्रियसभा सदस्यका रुपमा मनोनित उपाध्यक्ष बामदेव गौतमका बारेमा सर्वाेच्च अदालतले थप संवैधानिक व्याख्या गर्ने भन्दै तत्काल अरु जिम्मेवारी नदिन आदेश दिएलगत्तै प्रधानमन्त्री ओली पुनर्गठनका लागि हतारिएका छन् । हिजोको बैठकमा अध्यक्ष प्रचण्डले बामदेवबारे सर्वाेच्चले अन्तिम निर्णय गरेपछि मात्रै पुनर्गठन गर्न ओलीलाई आग्रह गरेका थिए ।
तर आज बिहान ओली प्रचण्डले चाहेकै मोडालिटी अनुसार पुनर्गठन गर्न तयार भएको सन्देश खुमलटार पुग्यो । लगत्तै प्रचण्डले नेता माधवकुमार नेपालसँग टेलिफोनमा संवाद गरेको स्रोतको दाबी छ । प्रचण्ड र नेपालले ओली तयार भएको हो भने सहमति गर्ने मनस्थिति बनाएका छन् ।
आज साँझ वा भोलिसम्म मन्त्रिमण्डल पुनर्गठन गर्न दुबै अध्यक्ष तयार हुनुभएको छ– प्रचण्ड निकट स्रोतले भन्यो । पुनर्गठन गर्दा सामान्यतः दुई वर्ष पदावधि पूरा गरेकालाई विदा गरिने मोडालिटी बनेको छ । यसो गर्दा गृहमन्त्री रामबहादुर थापा र रक्षामन्त्री ईश्वर पोखरेलको हकमा भने कुनै प्रभाव नपर्ने सहमति भएको स्रोतको दाबी छ ।
प्रचण्डले यसबारे नेता माधवकुमार नेपालसँग पनि छलफल गरेका थिए । त्यो मोडालिटीमा जान ओली तयार भए आजै पुनर्गठन गर्न नेपाल पनि राजी भएका छन् । पुनर्गठनमा गौतम र नारायणकाजी श्रेष्ठ हाललाई पर्ने छैनन् । सचिवालय सदस्यसमेत रहेका गौतम र श्रेष्ठका बारेमा सर्वाेच्चको अन्तिम फैसला आएपछि मात्रै के गर्ने भनेर निर्णय गर्नसमेत अध्यक्षद्वय तयार रहेको बुझिएको छ ।
पुनर्गठनबारे सचिवालयले कुनै निर्णय गरेको थिएन । यसबारे उचित निर्णय लिन अध्यक्षद्वयलाई जिम्मेवारी दिएको थियो । सोही अनुरुप ओली र प्रचण्डबीच छलफल अगाडि बढेको हो ।
स्रोतका अनुसार, प्रचण्डले गृहमन्त्री फेर्न चाहेका थिए । तर ओली सहमत नभएकाले थापा यथावत रहनेमा परेका छन् । तर लेखराज भट्टका बारेमा भने ओली केही बोलेका छैनन् । थापा र भट्टलाई हटाएर जनार्दन शर्मा र देवेन्द्र पौडेललाई मन्त्री बनाउन प्रचण्ड चाहन्छन् ।
उता, नेता नेपालले चाहेका दुई जनामध्ये भीम रावललाई मन्त्री बनाउन ओली तयार छन् । तर स्वयं रावल भने आफू मन्त्री खान अनिच्छुक रहेको बताउँदै आएका छन् । त्यसैले सुरेन्द्र पाण्डेले मन्त्री बन्ने मौका पाउने देखिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
अदालतका तहसिलदार विरुद्ध जवरजस्तीकरणीमा मुद्धा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार