डा. केसीसँग भएका सम्झौता सार्वजनिक गर्न मानवअधिकार आयोगको माग

९ असोज, काठमाडौं । डा.गोविन्द केसी पटक पटक अनसन बसेका बेला भएका सम्झौता कार्यान्वयनको अवस्था सार्वजनिक गर्न राष्ट्रिय मानवअधिकार आयोगले माग गरेको छ ।

अनशनरत डा. केसीको जीवन रक्षा गर्न सरकारलाई आग्रह गर्दै यसअघि भएका मागको सम्बोधन र ती सम्झौता कार्यान्वयनको अवस्थाबारे जानकारी गराउन आयोगले आग्रह गरेको हो ।

शुक्रबार विज्ञप्ति निकालेर आयोगले चिकित्सा शिक्षा जस्तो आधारभूत मानव अधिकारको विषयमा संवेदनशील बन्न पनि सरकारको ध्यानाकर्षण गराएको छ ।