शनिबार , जेठ १, २०७८

चेन्नेईविरुद्धको जितसँगै दिल्लीले आईपीएल जित्न सक्ने ३ आधार

चेन्नेईविरुद्धको जितसँगै दिल्लीले आईपीएल जित्न सक्ने ३ आधार

१० असोज, एजेन्सी । दिल्ली क्यापिटल्सले लगातार दोस्रो जित हात पारेको छ । शुक्रबार राती दुबईमा चेन्नेईलाई ४४ रनले हराउदै दिल्लीले लगातार दोस्रो जित हात पारेर आईपीएलको शीर्ष स्थानमा उक्लेको छ ।

टस हारेर पहिले व्याटिङ गरेको दिल्लीले निर्धारित २० ओभरमा ३ विकेट गुमाएर १ सय ७५ रन बनायो । उसका लागि ओपनर पृथ्वी शाले ६४ रनको योगदान दिए । यस्तै रिशभ पन्तले ३७ र शिखर धवनले ३५ रन बनाए । चेन्नेईका पियुष चावलाले २ विकेट लिए ।

Kumari Bank 300x290 new
Global IME Bank new
Nepal Life Insurance

१ स्य ७६ रनको मध्यम लक्ष्य लिएर मैदान उत्रिएको चेन्नेई भने निर्धारित २० ओभर खेलेपनि ७ विकेट गुमाएर १ सय ३१ रनमै सिमित भयो । उसका लागि फाफ डुप्लेसिसले ४३ र केदार जादवले २६ रन बनाउनुबाहेक अरुले गतिलो प्रदर्शन गर्न सकेनन् ।

यसअघि राजस्थान रोयल्ससँग हारेको चेन्नेई दिल्लीसँग पनि हारेपछि यसपटक प्लेअफमै पुग्न मुश्किल देखिन्छ । तर युवाहरुले भरिएको दिल्ली भने यसपटक आईपीएल उपाधि जित्ने सक्ने टिमका रुपमा दरिएको छ । त्यसमध्ये मुख्य ३ कारण यसप्रकार छन् ।

व्याटिङ लाइनअपको सुधार

दिल्लीमा यस बर्ष उत्कृष्ट व्याट्सम्यान छन् । ओपनिङमा पृथ्वी शा र शिखर धवनले अहिलेसम्म राम्रै शुरुवात गरिरहेका छन् । निकै अनुभवी व्याट्सम्यान शिखरभन्दा पृथ्वी कम छैनन् । उनले यस सिजनको पहिलो अर्धशतक चेन्नेईविरुद्ध हानेका छन् ।

यो अर्धशतक दिल्लीकै टिमका लागि दोस्रो अर्धशतक हो । यसअघि पहिलो खेलमा अलराउण्डर मार्कुस स्टोईनिसले अर्धशतक हानेका थिए । ओपनिङमा शिखर र पृथ्वी जमेकै कारण भेट्रान व्याट्सम्यान आजिन्क्या रहाणे बेन्चमै सिमित हुनु परेको छ । आजिन्क्या आउनेवित्तिकै फेरि व्याटिङमा अर्को छलाङ मार्ने टिमका रुपमा दिल्ली देखिएको छ ।

ओपनिङमा सशक्त देखिएका पृथ्वी, शिखर र आजिन्क्यासँगै दिल्लीको मिडल अर्डर यो भन्दा शक्तिशाली छ । वेष्ट इण्डिजका विष्फोटक व्याट्सम्यान शिमरन ह्याटमेयर, कप्तान श्रेयास आयर, विकेटकिपर रिशभ पन्त जस्ता व्याट्सम्यान दिल्लीका लागि मुख्य हतियार हुन् ।

रिशभ र ह्याटमेयरले खेल जतिबेला पनि आफ्नो पक्षमा पार्ने क्षमता राख्छन् । भारतीय टिमकै लागि एक मुख्य आधार बनिरहेका पन्त दिल्लीका लागि मुख्य खेलाडी हुन् । प्रशिक्षक रिकी पोन्टिङले रिशभ दिल्लीका मुख्य खेलाडी भएको र उनले आईपीएल उपाधि जिताउनेमा पूरा भरोसा रहेको बताई सकेका छन् ।

यस्तै दिल्लीको फिनिसिङ भूमिकामा अष्ट्रेलियाका मार्कुस स्टोईनिस छन् । व्याटिङ अलराउण्डर क्षमता भएका स्टोईनिसले आफूलाई पञ्जाबविरुद्धको पहिलो खेलमै प्रमाणित गरिसकेका छन् । स्टोईनिस आईपीएलमा मात्रै होइन, बिग ब्यास लिगमा पनि निकै सफल खेलाडी हुन् । व्याटिङ सँगै बलिङमा पनि उत्कृष्ट प्रदर्शन गर्ने स्टाईनिस दिल्लीका मुख्य हतियार साबित भएका छन् ।

उनले पञ्जाबविरुद्धको खेलमा अर्धशतक बनाएसँगै महत्वपूर्ण ३ विकेट लिएका थिए । अन्तिभ ओभरमा उनले जादुयी प्रदर्शन गरेर खेल बराबरी गरेर सुपरओभरमार्फत दिल्लीलाई जित दिलाउन प्रमुख भूमिका खेलेका थिए । मार्कुससँगै अक्षर पटेल दिल्लीका अर्का अलराउण्ड हुन् । जसले टिमका लागि परेका बेला सहयोग गर्न सक्छन् ।

धारिलो बलिङ आक्रमण

यसपटक दिल्लीको अर्को मुख्य हतियार हो, धारिलो बलिङ । कागिसो रबाडा, रविचन्दन आश्विन, सन्दीप लामिछाने, एनरिक नोट्जे, ईशान्त शर्मा, अमित मिश्रा जस्ता दर्जनौ राम्रा बलर छन् । फास्ट बलिङसँगै स्पिनमा पनि सशक्त बनेको दिल्लीमा सुपर ओभर किङका नामबाट चिनिएका रबाडा छन् । जसले जतिबेला पनि खेल आफ्नो पक्षमा पार्ने हिम्मत राख्छन् ।

अहिले सन्दीपले खेल्न नपाएपनि उनी टिमका लागि एक अर्का मुख्य हतियार हुन् । ४ जना मात्रै विदेशी खेलाडी भएका कारण समस्यामा परेका सन्दीप टिमलाई चाहिएका बेला आफ्नो तर्फबाट उत्कृष्ट प्रदर्शन गर्ने गर्छन् । अहिलेसम्मका खेलमा दिल्लीले कुनै पनि विपक्षी टिमलाई खुलेर खेल्न दिएको छैन् । एक दुई खेलाडीले प्रदर्शन गरेपनि पुरै टिमलाई भने दबाबमा राख्ने गरेको छ । यो उसको अर्को सुखद पक्ष हो ।

सुहाउदो पीच र प्रशिक्षक

युएईको पीच सामान्यतया बलिङका लागि सुहाउँदो पीच हो । जहाँ बलरले आक्रामक प्रदर्शन गरिरहेका छन् । केही व्याट्सम्यानले मात्रै खुलेर खेलेको ठाउँमा दिल्लीको टिमका लागि सुहाउँदो पीच छ । स्पिन र पेस बलरका लागि युएई उपयुक्त ठाउँ हो ।

त्यसमाथि प्रशिक्षक रिकी पोन्टिङ रणनीति बनाउन राम्रा मानिन्छन् । खासगरी व्याटिङ लाईनअपमा उनी राम्रा प्रशिक्षक हुन् । तर लामो समयदेखि उपाधिविहिन रहेका उनी यसपटक दिल्लीलाई आईपीएल जिताउन भोका छन् ।

त्यही भएर युएईको आफू सुहाउँदो पीचमा दिल्लीले यस सिजनको आईपीएल उपाधि जित्ने सम्भावना अरु टिमभन्दा धेरै छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

निजी अस्पताललाई अक्सिजन प्लान्ट जडान गर्ने सरकारी निर्देशन हावादारी: अध्यक्ष बसन्त चौधरी निजी अस्पताललाई अक्सिजन प्लान्ट जडान गर्ने सरकारी निर्देशन हावादारी: अध्यक्ष बसन्त चौधरी २ दिन पहिले
बङ्गलादेशद्वारा नेपाललाई स्वास्थ्य सामग्री सहयोग बङ्गलादेशद्वारा नेपाललाई स्वास्थ्य सामग्री सहयोग ४ दिन पहिले
इदको अवसरमा गण्डकीमा आज सार्वजनिक बिदा इदको अवसरमा गण्डकीमा आज सार्वजनिक बिदा १ दिन पहिले
दिव्यश्वरी हाइड्रो र समता लघुवित्तको शेयरमूल्य १० प्रतिशतले बढ्यो, शेयरमूल्य कति ? दिव्यश्वरी हाइड्रो र समता लघुवित्तको शेयरमूल्य १० प्रतिशतले बढ्यो, शेयरमूल्य कति ? २ दिन पहिले
संक्रमणबाट जुझारु पत्रकार दिनेश दाहालको निधन संक्रमणबाट जुझारु पत्रकार दिनेश दाहालको निधन ७ दिन पहिले
हेलिकोप्टरमार्फत कोरोना संक्रमितको उद्धार हेलिकोप्टरमार्फत कोरोना संक्रमितको उद्धार २० घण्टा पहिले
हालै आईपीओ जारी गरेको रु रु जलविद्युत् परियोजनाको यस्तो छ वित्तीय विवरण ? हालै आईपीओ जारी गरेको रु रु जलविद्युत् परियोजनाको यस्तो छ वित्तीय विवरण ? ५ दिन पहिले
सिफारिस बिना अक्सिजन बेच्न नपाउने मन्त्रालयको निर्णयप्रति अफिनको आपत्ति सिफारिस बिना अक्सिजन बेच्न नपाउने मन्त्रालयको निर्णयप्रति अफिनको आपत्ति ६ दिन पहिले