आज कोरोनाबाट थप ८ जनाको मृत्यु, मृतकको संख्या ४६७ पुग्यो

१० असोज, काठमाडौं । शनिबार नेपालमा थप ८ जनाको कोरोना भाइरसको संक्रमणबाट मृत्यु भएको छ। स्वास्थ्य मन्त्रालयका अनुसार पछिल्लो २४ घण्टामा मृत्यु हुनेमा सबै पुरुष छन्।

जस अनुसार सप्तरीका ६३ वर्षीय, काठमाडौंका २० वर्षीय र ७४ वर्षीय, भक्तपुरका ८८ वर्षीय, मकवानपुरका ७४ वर्षीय, ललितपुरका ७६ वर्षीय, रुपन्देहीका ७२ वर्षीय र कैलालीका ३० वर्षीय पुरुषको कोरोनाबाट मृत्यु भएको छ ।

यससँगै नेपालमा हालसम्म कोरोनाबाट ज्यान गुमाउनेको संख्या ४६७ पुगेको छ। हाल देशभर २२४ जना कोरोना संक्रमितको आईसीयुमा र २७ जनाको भेन्टिलेटरमा उपचार भइरहेको छ।