थपिए १५१३ संक्रमित, ७३१ जना डिस्चार्ज

१३ असोज, काठमाडौं । पछिल्लो चौबिस घण्टामा नेपालमा १५१३ जनामा कोरोना संक्रमण पुष्टि भएको छ। यससँगै नेपालमा कोरोनाबाट संक्रमित हुनेको संख्या ७६ हजार २५८ पुगेको छ।

त्यस्तै पछिल्लो २४ घण्टामा ७३१ जना कोरोनाबाट निको भएका छन्। यीसहित हालसम्म निको हुनेको संख्या ५५ हजार ३७१ पुगेको छ। हाल देशभर सक्रिय संक्रमितको संख्या २० हजार ३९६ रहेको मन्त्रालयले जनाएको छ। काठमाडौं उपत्यकामा मात्र ९३४ संक्रमित थपिएका स्वास्थ्य तथा जनसंख्या मन्त्रालयले जनाएको छ ।