पास्केल भेरोनिक : जसले ट्रम्पलाई विष हालेको चिठ्ठी दिइन् !

१३ असोज, एजेन्सी । अमेरिकी राष्ट्रपति डोनाल्ड ट्रम्पको हत्या प्रयास भउको छ । विषादीसहितको चिठी पठाउने क्यानेडियन महिलालाई हिरासतमा राख्न अदालतले आदेश दिएको छ । साथै उनलाई वासिङटनमा सारिएको छ ।

संघीय न्यायाधीश एच केनेथ स्क्र्युडर जुनियरले सोमबार पास्केल सेसिल भेरोनिक फेरिर नामकी महिलालाई हिरासतमा राख्न आदेश दिएका हुन् । ५३ वर्षीया पास्केल क्यानडाको क्युबेक प्रान्तकी स्थायी बासिन्दा हुन् । यस महिनाको सुरुमा अमेरिका छिर्ने क्रममा पास्केलको साथमा ३ सय राउन्ड गोलाबारुद रहेको पनि बुझिएको छ ।्

सेप्टेम्बर १८ मा ट्रम्पलाई सम्बोधन गरिएका केही पत्र आएका थिए । जुन पत्रहरुभित्र विषाक्त चिज राखिएको पाइएपछि हुलाक सेवाले शंकास्पद भनी कारवाही प्रक्रिया अघि बढाइएको हो ।

फेरिरलाई सेप्टेम्बर २० मा क्यानडा र अमेरिकाको सीमा क्षेत्रबाट पक्राउ गरिएको हो । उनले राष्ट्रपति ट्रम्पको हत्या वा घाइते बनाउने चेतावनी दिएको आरोप उनीमाथि लागेको छ ।