हैदरावादविरुद्ध बलिङ गर्दै दिल्ली, सन्दीप आज पनि टिममै परेनन्

१३ असोज, एजेन्सी । आईपीएल क्रिकेटमा दिल्ली क्यापिटल्सले टस जितेर पहिले बलिङ गर्ने निर्णय गरेको छ । दिल्लीले फिल्डिङ गर्ने भएपछि हैदरावादले व्याटिङ शुरु गरेको छ । दिल्ली यसअघिका दुवै खेल जितेर तालिकको शीर्ष स्थानमा छ भने हैदरावाद दुवै खेल हारेर पुछारमा छ ।

आज दिल्ली आफ्नो जितलाई निरन्तरता दिन चाहन्छ भने हैदरावाद पहिलो जितको खोजीमा छ । नेपाली लेग स्पिनर सन्दीप लामिछाने आज पनि टिममा परेका छैनन् । उनी शुरुवाती टिममा पर्न नसक्दा उनले आईपीएल नै नखेल्ने हुन कि भन्ने चिन्ता बढेको छ ।

दिल्लीको टिममा आज अभेश खानको ठाउँमा इशान्त शर्मा छन् । यस्तै हैदरावादमा आज मोहम्मद नाबीको ठाउँमा केन विलियम्सन परेका छन् । आजको खेलमा स्पिनरको भूमिका हेर्न लायक रहने क्रिकेट पण्डितहरुको भनाई छ ।