कस्ता व्यक्तिले गर्न सक्छन् बलात्कार ? मनोवैज्ञानिक कारणहरु यस्ता छन् !

पछिल्लो समय हत्या, हिंसा, बलात्कार जस्ता जघन्य अपराधका घटनाहरु दिनानुदिन बढदै गइरहेका छन् । भखरै मात्र बझाङको मष्टा गाउँपालिका २ की १२ वर्षीय बालिका सम्झना कामीको बलात्कार पछि हत्या भयो । कोरोनाको कहर र लकडाउनको बीचमा पनि यौन हिंसा, बलात्कारका घटनाहरु बढ्दै गइरहेका छन् ।

यस्ता छन, मनोवैज्ञानिक कारणहरु :

१.असामाजिक व्यक्तित्व : जसलाई साईकोपाथ भनेर पनि भनिन्छ । यस्तो व्यक्तित्वसँग सम्बन्धित मानसिक रोग लागेका ब्यक्तिहरुले आफ्नो घरपरिवार र समाजमा जोसुकैलाई पनि दुख दिने , सानो सानो कुरामा पनि ठूलो बदला लिन खोज्ने, हत्या बलात्कार गर्न समेत पछि नपर्ने आदि जस्ता कानुनले बर्जित गरेका जघन्य अपराध गर्न पछि पर्दैनन् ।

२.यौनको लत :- यौनको लत लागेका ब्यक्तिहरु यौनप्रति अति नै आशक्त हुन्छन् । कति गर्दा पनि उनीहरुमा यौनको प्यास मेटिदैन् । यस्तो यौन समस्या भएका ब्यक्तिहरुले यौनको तिर्खा मेटन आफन्त पनि नभन्न सक्छन् ।

३.अप्राकृतिक यौन व्यवहार : जसले यौनलाई सम्भोगको रुपमा भन्दा स्खलनको माध्यम बनाउछ , यस्ता ब्यक्तिले अरुको भावना बुझ्न सक्दैनन र स्बभाविक यौन व्यवहार गर्न पनि जान्दैनन् । यस्ता ब्यक्तिले बलत्कार गर्ने पनि सम्भावना हुन्छ ।

४.नैतिक पतन : नैतिक रुपमा पतन भएका ब्यक्तिले पशु भन्दा तल्लो व्यवहार गर्न सक्छन । यस्ता नैतिक रुपमा पतन भएका ब्यक्तिबाट आफन्त पनि बलात्कारको सिकार हुन सक्छन ।

५.यौन कुण्ठा : अविवाहित, श्रीमतिबाट यौन सन्तुष्टि लिन नसक्ने, यौन कुण्ठाले भरिएको ब्यक्तिले पनि बलात्कार गर्न सक्छ ।

६ .लागू प्रदार्थको सेवन : यसको सेवन गर्दा ब्यक्तिले बिबेक र चेतना गुमाउन सक्छ र बलात्कार गर्न पुग्छ ।

७ .पोनोग्राफी र साईबर सेक्सको लत : पोनोग्राफीमा बाबुले छोरीसँग यौन सम्पर्क, दाजुले बहिनीसगँ शारीरिक सम्बन्ध, आदिजस्ता शीर्षकका अश्लिल भिडियो धेरै भेटिन्छन् । यस्ता कुरा धेरै हेर्न तथा यी कुराको लत भएको ब्यक्ति नैतिक रुपमा पतन भै हाडनाता करणी गर्न सक्छ ।

८.मानसिक रोग : मेनिया जस्तो कडा मानसिक रोग लागेको ब्यक्ति सधै उत्तेजित हुन्छ । उसको व्यवहार र बिचार
पनि अब्यबहारिक र अनौठो किसिमको हुन्छ । झट्ट हेर्दा उ रोगी जस्तो नि देखिदैन् । उसको शरीरमा शक्ति पनि बढेर आउँछ । यौनको आबेग पनि तीब्र् हुन्छ । जसलाई उ नियन्त्रण गर्न सक्दैन र बलात्कार पनि गर्न सक्छ ।

९.शरीरिक कारण : शरीरमा सेक्स हर्मन बढदा यौन चाहना बढन गई , आफुलाई यौन अनुशासनमा राख्न नसक्दा पनि बलात्कारका घटना हुन पुग्छ ।

१०.अति बिश्बास गर्नु : घर परिवारका सदस्य बीच चाहिने भन्दा बढी घनिष्टता , अति विश्वास र नाता अनुसारको व्यवहार र अनुशासनमा बस्न नसक्दा पनि आफन्त बीच नै करणीका घटना हुन सक्छन् ।

११.मनोबैज्ञानिक असर : सानोमा यौन दुर्ब्यबहारमा परेको ब्यक्ति पनि पछि गएर यौन अपराधी हुन सक्छ ।

१२.यौन अनुशासन नहुनु : सानैबाट यौन अनुशासन नभएको , पतित , बिखण्डित , अनुशासनहिन , चरित्रहिन घर परिवार र समाजमा हुर्केको बच्चा पनि पछि गएर यौनमा बिचलिन हुन सक्छ ।

यी र यस्ता अन्य धेरै यौन समस्या ‘बिचलन’ , मानसिक एवं मनोबैज्ञानिक समस्याका कारण आफन्तले नै आफन्तलाई जबर्जस्ती करणी गर्न सक्छ । यस्ता ब्यक्तिलाई मानसिक रुपमा स्बस्थ ब्यक्ति मान्न सकिँदैन । किन कि मानसिक रुपमा स्बस्थ ब्यक्तिले समाजले स्बीकारेको मात्र काम गर्छ ।

काम गर्नु अगाडि परिणामको बारेमा सोच्छ । के ठिक के बेठिक छुट्टाउन सक्छ । आफ्नो आबेगलाई नियन्त्रण गर्न सक्छ । सामाजिक मूल्य मान्यताको सम्मान गर्छ । यी र यस्ता गुण नभएको ब्यक्ति मानसिक स्बास्थ्यका हिसाबले रोगी मानिन्छ ।