आधुनिक फूटबलको राजधानीमा एक्लिएका राजा !

१४ असोज, एजेन्सी । विश्व फूटबलमा स्पेनलाई अहिले राजधानीका रुपमा चिनिन्छ । खासगरी रियल मड्रिड र बार्सिलोना जस्ता विश्वकै चर्चित र उत्कृष्ट फुटबल खेल्ने खेलाडी भएर स्पेनलाई आधुनिक फूटबलको राजधानी भनिएको हो ।

मेस्सी र रोनाल्डो जस्ता खेलाडीले खेल्ने ला लिगाकै कारण पनि स्पेन झन बढी चर्चित बन्यो । विश्वभरमा अहिले बार्सिलोनालाई मन पराउने धेरै छन् । किनकी बार्सिलोना संसारकै एक उत्कृष्ट क्लब हो । अहिले त्यो क्लबका राजा भनेर लियोनल मेस्सीलाई चिनिन्छ ।

तर उनी अहिले एक्ल छन् । अझ भनौ त्यति सफल छैननन् । उनलाई दरो साथ दिने नेयमार र स्वारेजले टिम छाडेपछि मेस्सी एक्लिएका हुन् । उरुग्वेका स्ट्राइकर स्वारेज बार्सिलोनाबाट एट्लेटिको मड्रिड गए भने दुई बर्ष अघि नै नेयमार फ्रान्सको पीएसजी क्लबमा सबैभन्दा महंगो भएर गए ।

बार्सिलोनामा हुँदा दुई दक्षिण अमेरीकी खेलाडी मेस्सी र स्वारेजको मित्रता निकै गहिरो रहेको थियो । उनीहरु मैदानभित्र मात्र होइन बाहिरपनि उत्तिकै राम्रो साथी थिए ।

तर स्वारेज एट्लेटिको मड्रिडमा गएपछि मेस्सीले बार्सिलोनाको आलोचनामात्र गरेका छैनन् असन्तुष्टी पनि पोखेकाछन । त्यो भन्दा अगाडी अर्का मिल्ने साथी नेयमार पीएसजीमा गएका थिए भने सेस फेब्रिगासले छोड्दापनि त्यतिकै कठिन भएको थियो ।

यसै बर्ष मेस्सीका अर्का मिल्ने साथी अर्टुरो भिडालले पनि बार्सिलोना छोडेका थिए । उनी इन्टर मिलानमा अनुबन्ध भएका छन ।

डगआउटमा मेस्सी इरनेस्टो भाल्र्भेडेलाई बर्खास्त गरेपछि खासै खुसी थिएनन् । किनकी मेस्सी र भाल्र्भेडेको निकै राम्रो सम्बन्ध रहेको थियो । त्यसपछि क्वेक्वे सेटिनसँग उनको सम्बन्ध राम्रो रहेन भने हालका प्रशिक्षक रोनाल्ड कोम्यानसँग उनी नजिकिएका छैनन् ।

मेस्सी र बार्सिलोनाको बोर्डसँगको सम्बन्ध पनि राम्रो छैन । जसका कारण पछिल्लो पटक फुटबलको राजधानी मानिने बार्सिलोनामा आधुनिक फुटबलका राजा मेस्सी एक्लिउका छन् ।