भारततर्फ लैजाँदै गरेको आधा केजी सुनसहित दाजु–बहिनी पक्राउ

१६ असोज, बुटवल । प्रहरीले कपिलवस्तुमा दुई जनालाई भारततर्फ लैजाँदै गरेको आधा केजी सुनसहित पक्राउ गरेको छ । कपिलवस्तुको मायादेवी गाउँपालिका–५ बनकछियाबाट भारततर्फ जाँदै गरेको अवस्थामा पाँच सय ग्राम सुनसहित ३४ वर्षीय पवनकुमार गुप्ता र उनकी बहिनी १५ वर्षीया महिमा गुप्ता पक्राउ परेका हुन् ।

लु ५६ प ६३१० नम्बरको मोटरसाइकलमा भारततर्फ सुन लैजाँदै गरेको विशेष सूचनाका आधारमा उनीहरुलाई बिहीबार राति पक्राउ गरिएको कपिलवस्तु प्रहरीले जानकारी दिएकाे छ । बरामद सुन र पक्राउ परेका दाजु–बहिनीलाई थप अनुसन्धानका लागि जिल्ला प्रहरी कार्यालय तौलिहवा ल्याइएको उनले बताए ।