भरतपुर अस्पतालमा संक्रमित ६२ वर्षीय पुरुषको मृत्यु  

१८ असोज, चितवन । भरतपुर अस्पतालमा उपचाररत् कोरोना संक्रमितको मृत्यु भएको छ।  चितवनको कालिका नगरपालिका–७ जुटपानी बस्ने ६२ वर्षीय पुरुषको आइतबार विहान उपचारका क्रममा मृत्यु भएको हाे ।

असोज १६ गते साँझ ६ बजे उनलाई कोरोना संक्रमणसहित खोकी, श्वासप्रश्वासमा समस्या भई कोभिड आइसियूमा भर्ना गरिएको थियो।उपचारका सबै उपायहरु गर्दागर्दै आज बिहान उनको मृत्यु भएको हाे ।  जिल्ला स्वास्थ्य कार्यालयका अनुसार अहिलेसम्म चितवनका २३ जना कोरोना संक्रमितको मृत्यु भएको छ।