फेसबुकमा अश्लील गाली गर्ने पूर्वडीएसपीलाई ५० हजार जरिवाना !

१८ असोज, काठमाडौं । फेसबुकमा आफन्तलाई अश्लील गाली गर्ने पूर्व डीएसपीलाई ५० हजार रूपैयाँ जरिवाना तोकिएको छ । नेपाल प्रहरीका पूर्व डीएसपी कृष्णबहादुर खड्कालाई विद्युतीय कारोबार ऐन अन्तर्गत ५० हजार जरिवाना र २५ हजार क्षतिपूर्ति तिराइएको हो । उनलाई पक्राउ गरेर १५ दिन हिराशतमा राखिएको थियो । तर १ लाख धरौटी बुझाएर रिहा भएका थिए ।

जेल सजायका साथै उनलाई ५० हजार जरीवाना र २५ हजार क्षतिपूर्ति तिर्नुपर्ने फैसला काठमाडौं जिल्ला अदालतले  गरेको हो । अदालतका न्यायधीश रामप्रसाद न्यौपानेको एकल इजलासले फेसबुक मेसेन्जरमा बुहारीलाई अश्लील गाली गर्ने खड्कालाई जेलसजायका साथै जरिवाना र क्षतिपूर्ति तिराउने फैसला गरेकाे छ ।

२०७५ असोजमा पूर्व डिएसपी खड्कालाई महानगरीय अपराध महाशाखाको टोलीले आफ्नै बुहारीलाई फेसबुकमार्फत गालीगलौज गरेको आरोपमा पक्राउ गरेको थियो । खड्काकी बुहारी सुमना खड्काले साइबर अपराध भएको भन्दै प्रहरीमा उजुरी दिएकी थिइन्।

पूर्वडीएसपी खड्का र बुहारी समुनाबीच जग्गाको विवाद थियो । विवाद बढेपछि खडुकाले बुहारीलाई अश्लील गाली गरेर म्यासेज गरेका थिए । गाली गरेको स्क्रिनशट गरेर प्रहरीमा उजुरी दिएपछि अदालतले ५० हजार जरिवाना र २५ हजार क्षतिपूर्ति तिर्न फैसला गरेको हो ।