कांग्रेस बीपीले रिले अनशनमा बसेका पत्रकारलाई ऐक्यबद्धता पत्र बुझाउँदै

१८ असोज, काठमाडौं । नेपाली कांग्रेस बीपीले रिले अनशनमा बसेका पत्रकारहरुलाई आइतबार ऐक्यबद्धता पत्र बुझाएको छ । राज्यको चौथो अंगको रुपमा रहेका संचार माध्यममा कार्यरत  कतिपय संचारकर्मीहरुले विगत समयदेखि नै सरकारले तोकेको न्युनतम पारिश्रमिकको निमित पटकपटक आवाज उठाउँदै आएपनि पारिश्रमिक नपाएको भन्दै रिले अनशनमा बसेका छन् ।

कांग्रेस बीपीका कार्यालय सचिव सुशीलराज वाग्लेद्धारा जारी ऐक्यबद्धता पत्रमा भनिएको छ, न्युनतम पारिश्रमिकको त कुरा छोडौं, अहिले कोरोना ‘कोभिड-१९’ को बहानामा सञ्चारगृह संचालकहरुले तलब नदिएका, तलब माग्दा दुर्गम क्षेत्रमा सरुवा गरिएका तथा जबर्जस्ती निकालिएको प्रति पार्टीको गम्भिर ध्यानाकर्षण भएकोले आज रिले अनशनमा बस्नु भएका पत्रकारहरुलाई भेटेर ऐक्यबद्धता पत्र बुझाइएकाे  छ ।

तसर्थ : विभिन्न मागसहित रिले अनशनमा बस्नु भएका पत्रकारहरुको आन्दोलनप्रति ऐक्यबद्धता  जनाउछाैं । साथै पत्रकारहरुको माग तत्काल सुनाई गर्न सञ्चारगृह संचालकहरुमा आग्रह गर्दछाैं । सरकारले पनि राज्यको चौथो अंगमा कार्यरत संचारकर्मीहरुलाई उचित सेवा सुविधा तथा न्युनतम पारिश्रमिक लागु भए नभएको अनुगमन गर्न पनि जोडदार माग गरेको वाग्लेद्धारा जारी ऐक्यबद्धता पत्रमा जनाइएको छ ।