डा.केसीसँग वार्ता नगरे स्वास्थ्यकर्मीलाई सडकमा उतार्ने चिकित्सक संघको चेतावनी

१८ असोज, काठमाडौं । २१ दिनदेखि अनसनरत डा. गोविन्द केसीसँग तत्काल वार्ता गर्न समिति गठनका लागि नेपाल चिकित्सक संघले ७२ घण्टे अल्टिमेटम दिएको छ । आइतबार विज्ञप्ति जारी गर्दै संघले केसीको जीवन रक्षाका लागि वार्ता टोली गठन गरी माग सम्बोधनका लागि संवाद थाल्न सरकारसँग माग गरेको हो ।

‘७२ घण्टाभित्र पनि नेपाल सरकारले वार्ता टोली गठन गरी डा. केसीको जीवन रक्षाका निम्ती कुनै पहल नगरे बाध्य भएर आन्दोलनका कार्यक्रम चर्काउने चेतावनी संघले दिएको छ ।

संघका महासचिव बद्री रिजालले डा.केसीको स्वास्थ्य अवस्था जटिल बन्दा सरकार रमिते बनिरहेकोमा असन्तुष्टि जनाउँदै तत्काल अनसन तोडाउने गरी वार्ता नगरे देशैभरका चिकित्सक सडकमा उतार्ने चेतावनी दिएको छ । भदौ २९ गतेदेखि डा.केसी अनसनमा बसेपनि सरकारले भने अहिलेसम्म माग सुनुवाईका लागि कुनै चाँसो दिएको छैन् ।