अवरोधका बीच बैठक अगाडी बढाएपछि प्रदेशसभामा कांग्रेसको तोडफोड

१९ असोज, काठमाडौं । प्रदेश ५ को प्रदेशसभामा अवरोध र विरोध गर्दा पनि बैठक अगाडी बढाएपछि नेपाली कांग्रेसका सांसदले तोडफोड गरेका छन् ।

विरोधका बीच बैठक चलाएको भन्दै कांग्रेस सांसदले प्रदेशसभाभित्र टेबुल र कुर्ची तोडफोड गरेका हुन् । सोमबार प्रदेशसभा बैठकमा नाम र राजधानी टुंगो लगाउने कार्यसूची छ ।

तोडफोडकै बीच आन्तरिक मामिला तथा कानुनमन्त्री कुलप्रसाद केसीले प्रदेशसभा बैठकमा नाम र राजधानीसम्बन्धी प्रस्ताव पेश गरेपछि कांग्रेस सांसद तोडफोडमा उत्रिएका थिए ।

मन्त्री केसी रोस्टमतर्फ जाने क्रममा सांसदहरुले प्रस्ताव नै खोस्ने प्रयास गरेका थिए । सभामुख पूर्णबहादुर घर्तीमगरले तोडफोडकै बीच बैठक अघि बढाएका छन् ।