बलात्कारीलाई हिरासतबाट छुटाउन प्रहरीको सलंग्नता ! नक्कली डीएसपी पक्राउ

२० असोज, जनकपुर । बलात्कारीलाई प्रहरी हिरासतबाट छुटाउन प्रहरीकै सलंग्नता हुने गरेको समाचार बेला बेला आउँछन् । तर यहाँ प्रहरीको नक्कली डीएसपी बनेर बलात्कारीलाई खुलेआम हिरासतबाट छुटाउन लागेको घटना सार्वजनिक भएको छ ।

बलात्कार आरोपमा पक्राउ परेका सिरहाका २३ बर्षीय शिवकुमार साहलाई हिरासतबाट छुटाउने दाबीसहित ३५ हजार रुपैयाँ ठगी गर्ने नक्कली  डीएसपी पक्राउ परेका हुन् । ती नक्कली डीएसपी बनेर ठगीका लागि बलात्कारीलाई छुटाउने प्रपञ्चमा लागेका थिए ।

सिराहाकै बरियारपट्टी गाउँपालिका ४ का २३ वर्षीय शिवकुमार साह बलात्कार आरोपमा केही दिनअघि पक्राउ परेका थिए । पक्राउ परेका साहलाई रिहा गराइदिने नाममा शिवका भाई मुकेशसँग रु ३५ हजार लिने अर्नामा गाउँपालिकाका मोहम्द जाबीर समातिएका हुन् । उनी नक्कली डीएसपी बनेर बलात्कार छुटाउन लागि परेका थिए ।

‘बलात्कार आरोपीलाई छुटाइदिने भन्दै झुठो प्रलोभन देखाएर पीडक परिवारसँग ३५ हजार रुपैयाँ लिएको पाइएपछि जाबिरलाई पक्राउ गरेर अनुसन्धान थालिएको सिराहा प्रहरीका प्रवक्ता शालिग्राम पौडेलले बताए । जाबिर नक्कली डीएसपी बनेर बलात्कार मुद्दा मिलाउन सक्रिय रहेको पाइएको छ ।