दाङकी संक्रमित महिलाको बुटवलमा मृत्यु

२१ असोज, बुटवल । लुम्बिनी प्रादेशिक अस्पताल बुटवलमा एक संक्रमितको मृत्यु भएको छ । राप्ती गाउँपालिका ८ की ७१ वर्षीय महिलाको मंगलबार साँझ साढे ६ बजे उपचारका क्रममा मृत्यु भएको हो ।

उनी दाङकी संक्रमित हुन् । अस्पतालले बुधबार प्रेस विज्ञप्ति जारी गरी अस्पतालको फिबर क्लिनिकको आइसोलेसनमा उनको मृत्यु भएको जनाएको हो ।

असोज १७ गते कोरोना पोजेटिभ पुष्टि भएकी ती महिला होम आइसोलेसनमा बसेकी र स्वास्थ्यमा समस्या आएपछि मंगलबार दिउँसो ४ बजे अस्पताल भर्ना भएपछि अवस्था जटिल भएका कारण मृत्यु भएको हो ।