घरमा दाईले बलात्कार गरेपछि शहर आइन्, बसभित्रै सामूहिक बलात्कारमा परिन !

२१ असोज, काठमाडौं । जिन्दगी सबै ठीकै चल्दैथ्यो । घरमा आमा थिइन् । दाजु थिए । अनि बहिनी सम्झना । सानो परिवार पाल्न धौधाैं भएपनि बुवा खाडी गएका थिए । सिन्धुपाल्चोकको घरमा आमा, दाजु र बहिनीको जिन्दगी आरामसँग चल्दै थियो ।

बढ्दै गरेको उमेरमा सम्झनाको जवानी भरिदै थियो । उनको आफ्नै लक्ष्य थियो । केही गर्ने । ठूलो मान्छे बन्ने । घर परिवारको सास बचाउन बुवा परदेश लागेको उनलाई मन परेको थिएन । तर बाध्यता यस्तै थियो ।

त्यही पनि उनी खुशी थिइन् । बुवा छिट्टै विदेशबाट फर्किने पखाईमा थिइन् । बुवा फर्केपछि सबैजना घरमै हाँसीखुशी बस्ने उनको सोचाई थियो । तर सधै सोचेको जस्तो कहाँ हुन्छ र ?

जब आफ्नै दाईको गिद्धे नजर लाग्यो…

सम्झना हुर्कदै थिइन् । हुर्कदै गरेका उनका कोमल अंग आकर्षक बन्दै थिए । यसले उनलाई राम्री मात्रै होइन, ब्युटिफूल बनाएको थियो । घर छिमेककाले उनलाई राम्री केटी भन्दै जिस्क्याउँथे । घर वरपरका केटाले जिस्क्याउँदा उनलाई मनमा डर बढ्दै गयो ।

तर उनको त्यो डरभन्दा भयानक भएर आफ्नै दाईको गिद्धे नजर आयो । दाईले एकान्तमा छँदा अश्लील कुरा गर्न थाले । घरभित्र हुँदा संवेदनशिल अंग छुन थाले । बाहिर कसैले दुःख दिएमा घर भनिन्छ । कसैले जिस्क्यायो र यौन दुर्यवहार गरे पनि घरमै आमाबुवा र दाईलाई भन्ने गरिन्छ ।

तर यहाँ आफ्नै दाईले यौन दुर्यवहार गर्न थालेका थिए । आमालाई कसरी भन्नु ? उनले भन्न सकिनन् । नभन्दै दाईले एकान्त मौका छोप्न थाले । रातीको समय सम्झना सुतेकै ठाउँमा दाई आउन थाले ।

एकदिन आमा मामाघर गएकी थिइन् । घर दाजु बहिनीको जिम्मा छाडेर आमा मामाघर लागिन् । दाईले यही मौका छोपे । रात परेपछि आआफ्नो ओछ्यानमा सुतेका दाजु बहिनी बिहान बलात्कारी र पीडितसरह भए ।

मध्यरातमा दाईले बहिनीमाथि आक्रमण गरे । बलशाली दाईले सम्झनाको मुख थुनेर बलात्कार गरे । एकपटक होइन, पटक पटक । बेहोस हुने गरी बलात्कार गरे । आफ्ने दाईले बलात्कार गरेपछि सम्झनालाई आफ्नो घर असुरक्षित लाग्न थाल्यो ।

बलात्कारी दाई प्रहरी हिराशतमा परेपछि….

बलात्कार यत्तिमै रोकिएन् । १५ बर्षको उमेरबाट बलात्कार हुन लागेकी सम्झना १७ बर्षको उमेरसम्म बलात्कार भइरहिन् । त्यो पनि आफ्नै दाजुबाट । यो उनका लागि असह्य पीडा थियो । अन्ततः उनले बरु घर छाड्ने तर बलात्कारी दाजुलाई सजाय गराउने प्रण गरिन् ।

शुरुमा यो कुरा उनले आमालाई समेत भनिन् । तर आमाले सुनेर बेवास्ता गरिन् । दाजुको बलात्कार रोकिएन । त्यसपछि उनी प्रहरी कहाँ पुगिन् । प्रहरीले उजुरी पाउनेवित्तिकै पक्राउ गरेर अनुसन्धान थाल्यो ।

सम्झनाको बयानसँगै बलात्कारी दाईले पनि प्रहरी हिराशतमा अपराध स्वीकार गरे । यो उनका लागि ठूलो उपलब्धि थियो । बर्षौदेखि बलात्कार गर्ने दाईलाई उनले जेलको चिसो हावा खुवाउन सफल भइन् । तर यो खुशी उनको धेरैबेर टिकेन् ।

आमाले घरबाट निकालिन्

प्रहरी हिराशतबाट अदालतसम्म पुगेकी उनी खुशी थिइन् । बलात्कारी दाईलाई जेल सजाय हुनेमा ढुक्क थिइन् । अदालतले पनि सम्झनाकै पक्षमा फैसला गर्यो । दाई जेल गए । उनी घर आइन् । तर घरमा उनकी आमा खुशी होइन, दुखी थिइन् ।

अहिलेसम्मकै ठूलो दुःख उनकी आमालाई थियो । छोरा जेल गएकोमा उनले छोरीलाई धिक्कार्न थालिन् । एक दिन होइन, दिनदिनै । उनले घर छाडेर जान समेत भन्न थालिन् । यति भन्दै गर्दा उनलाई घिसारेर घरभित्रबाट बाहिर फालिन् ।

छोरालाई जेल हाल्ने छोरी चाहिदैन भन्दै उनले घरको ढोका बन्द गरिन् । आफूमाथि भइरहेको अपराधबारे बोल्दा उनले झन् ठूलो सजाय पाइन् । घरबाट निकालिएपछि उनले केही दिन स्थानीय दिदीकोमा शरण लिइन् ।

त्यसको केही दिनमा उनै दिदीको हौसलाले उनले काठमाडौंको यात्रा तय गरिन् । अन्त जाने बाटो नभएपछि उनले काठमाडौं आएर धेरै कमाउने अनि सुखको जिन्दगी बाँँच्ने उनको धोको थियो । तर सोचेजस्तो जिन्दगी कहाँ हुन्छ र ?

बसभित्रै सामूहिक बलात्कार

सम्झना काठमाडौं आइन् । गिद्धैगिद्धको शहर भनेर चिनिने काठमाडौंमा उनका संघर्षका दिन शुरु भए । शुरुमा एक गार्मेन्ट उद्योगमा उनले काम थालिन् । तर त्यहाँ धेरै दिन उनी टिक्न सकिनन् । त्यहाँ पनि यौन दुव्र्यवहार हुन थालेपछि उनले त्यो उद्योग छाडिन् ।

अर्को उद्योगमा काम थालिन् । मासिक ५ हजार कमाई थियो । कोठाभाडा र एक्लो ज्यान पाल्ने राशन किन्न मुश्किलले पुगेकै थियो । गार्मेन्टमा काम गर्ने दिदीसँग एकदिन उनी घुम्न भन्दै बजार निस्किइन् ।

रत्नपार्कमा उनीहरुले केही थान लुगा किने । लुगा किनेपछि अलिकति घुमघाम गरेपछि उनीहरु बस चढ्न स्टेशनमा कुरिरहेका थिए । प्यास लागेपछि दिदी पानी किन्न गइन् । तर लामो समय उनी आइनन् । एक्ली रहेकी उनको नजिकै एक युवक आए ।

उनले हातमा पानी बोकेका थिए । सम्झनाले पानी मागिन् । उनले सहजै दिए । पानी खाएपछि उनलाई प्यास मेटिएको आभास भयो । दिदी नआएपछि बस चढ्ने सुरमा थिइन् । ती युवकले नै आफू पनि भक्तपुर जाने भन्दै एउटै बस चढ्न सुझाए ।

बलात्कारमाथि बलात्कार

पानी पिएर बस चढेकी युवती बेहोस भइन् । उनी बेहोसीमै छँदा भक्तपुर पुर्याइयो । पानीमा बेहोस हुने औषधि दिएर भक्तपुर पुर्याउने युवाले उनलाई रातभर बलात्कार गरे । त्यो शुक्रबारको दिन थियो । खोला छेउमा रहेको पुरानो बसभित्र लगेर उनले रातभरी बलात्कार गरेपछि भोलिपल्ट शनिबार बसका चालक र सहचालकको जिम्मा लगाए ।

चालक र सहचालकले आफूले चलाउने बसभित्र लगेर युवतीमाथि फेरि शनिबार रातभरी बलात्कार गरे । उनी शनिबार होसमा आउँदा बसभित्रै थुनेर कपडा खोलेर, मुखमा कपडा हालेर बेहोस हुने गरी बलात्कार गरेका थिए ।

दुई दिनदेखि केही खानेकुरा नखाएकी उनलाई दुई रात लगातार बलात्कार हुँदा बेहोस भएकी थिइन् । उनी बेहोसीमै रहेका बेला बलात्कार भइरहँदा स्थानीयले शंका गरेपछि प्रहरीलाई खबर गरेका थिए ।

लगत्तै आएको प्रहरीले युवतीको बलात्कार गर्ने दुई जनालाई रंगेहात समातेर युवतीको उद्धार गरेको थियो । प्रहरीले पक्राउ परेका दुई जनामाथि थप अनुसन्धान गरिरहेको छ । युवतीलाई भने एक संस्थाको जिम्मा लगाएको छ ।

घरमा दाईबाटै बलात्कारमा परेकी उनी बसभित्रै सामूहिक बलात्कारमा परेपछि जीवनबाट निराश भएकी छिन् । यद्यपी केही प्रहरी र सामाजिक परामर्शदाताले उनलाई काउन्सेलिङ गरिररहेका छन् ।