शिक्षा मन्त्रालयमा पहिलो द्धीपक्षीय वार्ता जारी

२२ असोज, काठमाडौं । अनशनरत डा. गोविन्द केसीका मागका विषयमा सिंहदरबारमा वार्ता शुरु भएको छ । शिक्षा सचिव गोपनाथ मैनालीको नेतृत्वमा रहेको सरकारी वार्ता टोली र डा. जीवन क्षेत्री नेतृत्वको केसी पक्षीय वार्ता टोलीबीच शिक्षा मन्त्रालयमा वार्ता शूरु भएको हो । डा.केसीले १९ औँ अनसन थालेको २५ दिनपछि पहिलोपटक वार्ता हुन लागेको हो ।

डा. केसीले कर्णाली, तराई र विकट क्षेत्रमा एमबिबिएस पढाउन शुरु हुनुपर्ने, यसअघि आफूसँग भएका सहमति कार्यान्वयन हुनुपर्ने माग राखेका छन् । चौतर्फी दबाब बढेपछि सरकारले हिजो शिक्षासचिव गोपीनाथ मैनालीको नेतृत्वमा ३ सदस्यीय समिति गठन गरेको थियो । डा. केसीको स्वास्थ्य अवस्था जटिल बनेपछि माग सम्बोधनका लागि सरकारलाई दबाब बढ्दै गएपछि टोली गठन गरेर वार्ता शुरु भएको हो ।