विदेश पठाईदिन्छु भन्दै ठगी गर्ने राई ४८ लाखसहित प्रहरीको कब्जामा

२२ असोज, काठमाडौं । माल्टा पठाइदिन्छु भन्दै ४८ लाख ९८ हजार रुपैयाँ ठगी गर्ने एक जनालाई प्रहरीले पक्राउ गरेको छ । सुनसरी बराहक्षेत्र नगरपालिका–९ प्रकाशपुर बस्ने ३२ वर्षीय सुरज राईलाई ठगीको आरोपमा प्रहरीले पक्राउ गरेको हो ।

ठगी गरी फरार भएका उनलाई महानगरीय अपराध महाशाखाबाट खटिएको प्रहरीले जिल्ला प्रहरी कार्यालय सुनसरीको समन्वयमा सुनसरीबाट पक्राउ गरेको हो । उनलाई आवश्यक कारवाहीका लागि बुधबार महानगरीय प्रहरी परिसर काठमाडौं पठाइएको महानगरीय अपराध महाशाखाले जनाएको छ ।