ताराखोलामा धेरै शिक्षा क्षेत्रका योजना प्रभावित
नेपालबहस संवाददाता
असोज २६, २०७७ सोमबार १४:५४:४६
२६ असोज, बलेवा । जिल्लाको ताराखोला गाउँपालिकाले गत आर्थिक वर्षमा सञ्चालन गरेका योजनाहरुमध्ये सबैभन्दा धेरै शिक्षा क्षेत्रका योजना प्रभावित भएका छन् । कोरोना भाइरस नियन्त्रण तथा रोकथामका लागि विद्यालयका संरचना प्रयोगमा ल्याउँदा पूवार्धार विकासका काम प्रभावित भएका हुन् । गाउँपालिकामा ठूलो सङ्ख्यामा बाहिरबाट आउनेलाई राख्ने गरी पूर्वाधार नभएकाले विद्यालयलाई क्वारेन्टाइन बनाउँदा विकासका काम प्रभावित भएको गाउँपालिका अध्यक्ष प्रकाश घर्तिले बताए ।
विद्यालय भवनदेखि शौचालय निर्माण र विद्यालय भवन मर्मतसम्मका काम प्रभावित भएका हुन् । गाउँपालिकाले गत आवमा शिक्षा क्षेत्रमा ४० योजनामा बजेट विनियोजन गरेको थियो । तीमध्ये ३४ योजना मात्रै सम्पन्न भएका छन् । “अन्य पूर्वाधार विकासका योजनामा खासै असर गरेन्, तर विद्यालयमा क्वारेन्टाइन बनाउँदा योजना प्रभावित भए” उनले भने ,“कोभिडले देख्नेगरी जसरी असर गरिरहेको नदेखिने गरी अझै बढी प्रभावित बनायो ।”
गत आवदेखिनै सञ्चालनमा ल्याउने भनिएको उद्योगग्रामको काम पनि कोभिड–१९ का कारण प्रभावित भयो । प्रदेश सरकारसँगको सहकार्यमा निर्माण गर्न लागिएको उद्योगग्राममा चालु वर्षमा संरचनाहरु निर्माण हुनेछन् । गाउँपालिकाले गत आवमा बहुउद्देश्यीय सभाहल बनाएको छ । चालीस लाख खर्चेर खेल मैदान निर्माण पनि कोरोना कहरकै बिचमा भयो ।
वडा नं ४ को प्रशासनिक भवन ७५ लाख खर्चेर बनाइएको सूचना अधिकारी प्रकाश गैरेले बताए । सामुदायिक स्वास्थ्य इकाई भवन र केही महत्वपूर्ण सडकका काम भने कोरोना कहरकै बीचमा भए । गाउँपालिकाले कृषि र पशुपालन क्षेत्रमा विनियोजन गरेको रकम कार्यान्वयनमा ल्याउन पाएन् । “पूर्वनिर्धारित कार्यक्रम भएकाले जसोतसो कार्यान्वयन गरियो” उनले भने, “दुवै क्षेत्रमा एक करोड १ लाखभन्दा धेरै बजेट विनियोजित थियो ।” गाउँपालिकाले बनाएका योजनामध्ये कार्यान्वयन हुन नसकेको अर्को क्षेत्र हो खानेपानी ।
पच्चीस योजना गत आवको लागि विनियोजन भएपनि २० योजनामात्रै कार्यान्वयनमा आएका छन् । केही क्रमागत र केही योजनाको सम्झौता हुन सकेको छैन । पर्यटनमा तयार १८ मध्ये १७ योजना सम्पन्न भए । उद्योगमा दुईमध्ये एक, सहकारी र सामाजिक विकासका एक÷एक योजनासमेत सम्पन्न भए । स्वास्थ्य क्षेत्रमा विनियोजित १६ मध्ये १४, युवा तथा खेलकुदका ८, सिंचाईका ५ योजना निर्धारित समयमा नै सकिए । पूर्वाधारका सबैभन्दा धेरै योजना थिए । छपन्न योजनामध्ये १२ योजना गत आवमा पुरा भएनन् ।
“पूर्वाधारका अधिकांश योजना क्रमागत छन्” अध्यक्ष घर्तिले भने, “अन्तिम समयमा राजश्व बाँडफाँडबापत आउनु पर्ने बजेट कटौती हुँदा ती योजना पुरा हुन पाएनन् ।” गाउँपालिकाले चालु वर्षका कार्यक्रम पनि कार्यान्वयन थालेको छ । कोभिड–१९ को चुनौतीलाई अवसरमा बदलेर काम गर्न कर्मचारीलाई निर्देशन दिइएको अध्यक्ष घर्तिले जानकारी दिए । चालु आवमा भने लक्ष भेटाउने उनले दावी गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबुल्दीखोलाको स्वरुप फर्काउने प्रयास
बैशाख ३०, २०८१ आइतबार
गण्डकीको रिट न्यायाधीश अब्दुल अजीजको इजलासमा
बैशाख २८, २०८१ शुक्रबार
तनहुँमा चलचित्र निर्माण कार्यशाला
बैशाख २७, २०८१ बिहिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
झापामा आठ लाखलाई हात्तीपाइले रोगविरुद्धको औषधि खुवाइयो
बैशाख ३१, २०८१ सोमबार
चितवनका ५२ विपन्न परिवारलाई सुरक्षित घर
बैशाख ३१, २०८१ सोमबार
वीरगञ्जमा खानेपानीको संकट गहिरिँदै
बैशाख ३१, २०८१ सोमबार
कांग्रेसले मंगलबार बिहानसम्म प्रधानमन्त्रीको निर्णय कुर्ने
बैशाख ३१, २०८१ सोमबार
के तपाई फिट रहन प्रोटिन पाउडर खानुहुन्छ ? होसियार
बैशाख ३१, २०८१ सोमबार
जापानको ७७ प्रतिशत कोभिड–१९ मौखिक औषधि नष्ट गरिने
बैशाख ३१, २०८१ सोमबार