अब उपत्यकाका सबै सरकारी अस्पताल कोभिड अस्पताल, होटलहरू आइसोलेसन !

२६ असाेज, काठमाडाैं । सरकारले काठमाडौं उपत्यकाका सबै सरकारी अस्पताललाई कोभिड अस्पताल बनाउने निर्णय गरेको छ । परोपकार प्रसुती गृह थापाथली र कान्ती बाल अस्पताबाहेक अन्यलाई कोभिड अस्पताल बनाउने निर्णय गरेको हो ।

स्वास्थ्य तथा जनसंख्या मन्त्रालयले दुई स्पेसलाइज्ड अस्पतालबाहेक अन्य सबै सरकारी अस्पताललाई कोरोना अस्पताल बनाउने निर्णय गरेको मन्त्रालयका प्रवक्ता डा। जागेश्वर गौतमले बताएका छन ।

यसअघि पाटन, वीर, शिक्षण अस्पताल लगायतलाई कोभिड अस्पताल बनाइएको थियो । साथै मन्त्रालयले कोरोनाका लक्षणविहीन संक्रमितलाई राख्न होटलहरूलाई आइसोलेसनका रूपमा प्रयोग गर्ने निर्णय पनि गरेको छ ।