नवरात्रमा शक्तिपीठहरु खोल्न नदिन निर्देशन

३० असोज, काठमाडौं । गृह मन्त्रालयले नवरात्रमा शक्तिपीठहरु खोल्न नदिन निर्देशन दिएको छ । गृहले बिहीबार ७७ वटै जिल्ला प्रशासन कार्यालयलाई परिपत्र गरी यस वर्षको नवरात्रमा कुनैपनि मठमन्दिर एवम् शक्तिपीठहरु खोल्न नदिन निर्देशन दिएको हो ।

गृहमन्त्रालयका प्रवक्ता चक्रबहादुर बुढाले शक्तिपीठ खुला गर्दा कोरोनाको प्रसार झनै बढ्नेबारेमा स्वास्थ्य मन्त्रालयको समेत चासो रहेको र मन्त्रिपरिषद्ले समेत धार्मिक क्षेत्र खुला गर्ने निर्णय नगरेकोले सोही अनुसार परिपत्र गरिएको जानकारी दिए । यसअघि कात्तिक १ गतेदेखि शक्तिपीठहरू खोल्ने तयारी थियो ।