महाधिवेशन गर्न नेकपा र कांग्रेसको आनाकानी
नेपालबहस संवाददाता
कात्तिक २, २०७७ आइतबार २०:१२:१३
२ कात्तिक, काठमाडौं । कोरोना संक्रमणको चपेटामा परेकै बेला मुलुकका दुई ठूला राजनीतिक दल नेपाल कम्युनिष्ट पार्टी र नेपाली कांग्रेस महाधिवेशनको धपेडीमा छन् । नेकपाले आगामी चैतमा एकता महाधिवेशन गर्ने मिति तय गरेको छ भने कांग्रेसले फागुनका लागि कार्यतालिका सार्वजनिक गरेको छ ।
तर दुबै पार्टीका कार्यशैली र व्यवहारले निर्धारित समयमा महाधिवेशन गर्ने कुरा पत्यारिलो लाग्दैन् । सत्ताधारी नेकपामात्रै होइन प्रमुख प्रतिपक्षी नेपाली कांग्रेस भित्र पनि बेतोडको घर झगडा छ । एकले अर्कालाई निषेधको राजनीति गर्न पार्टी भित्रका गुट उपगुट सकृय छन् । दुबै दलभित्र त्रिपक्षीय भिडन्त देखिन्छ । नेकपामा प्रधानमन्त्री केपी ओली र नेता माधवकुमार नेपालबीचको झगडा पूर्वएमाले कालबाटै झांग्गिएको हो । पछि पूर्व माओवादीसँगको एकता प्रकृया सुरु भएपछि तीन गुटबीच बलियो प्रतिस्पर्धा देखिएको छ ।
प्रारम्भमा ओलीले प्रचण्डको साथ लिएर नेता नेपाल पक्षलाई किनारा लगाए । तर प्रचण्डसँगको प्रधानमन्त्रीमा आलोपालो गर्ने बेला आयो त्यसले नयाँ परिस्थिति खडा गरिदियो । अब ओलीले नेता नेपाल र प्रचण्ड दुबै खेमा विरुद्ध फायरिङ खोल्नुपर्ने अवस्था निर्माण भयो । उक्त फायरिङको प्रभावबाट जोगिन प्रचण्ड र नेपालबीच नयाँ समीकरण निर्माण भयो । यसले गर्दा ओली आक्रमक अवस्थाबाट प्रतिरक्षात्मक बन्न वाध्य भए ।
त्यो अवस्था अहिले पनि छ । तर ओली विस्तारै आक्रमक शैलीमा फेरि देखिन थालेका छन् । नेकपा भित्रको घर झगडा मिलाउन भएका प्रयासले नयाँ सम्झौता भएको थियो । प्रतिनिधिसभाको बाँकी कार्यकाल ओलीले प्रधानमन्त्रीका रुपमा काम गर्ने र पार्टी महाधिवेशनसम्म प्रचण्डले कार्यकारी अध्यक्षको भूमिका निर्वाह गर्ने । साथै, सरकारले गर्ने महत्वपूर्ण नियुक्तिमा दुबै अध्यक्षबीच सहमति जुटाएर सचिवालय बैठकबाट अनुमोदन गराउनुपर्ने निर्देशन स्थायी कमिटीले दिएको थियो ।
साथै, एकता प्रकृया तत्कालै टुंग्याउने निर्देशनसमेत दिइएको हो । तर ओलीले स्थायी कमिटीका कुनैपनि निर्देशन मानेनन् । सबै निर्णय र निर्देशन धोती लगाएको अवस्था छ । यही शैली जारी राख्ने हो भने दशैंपछि अर्काे माहोल बन्ने सम्भावना देखिन्छ । प्रचण्ड र नेता नेपालले ओलीविरुद्ध फेरि मोर्चाबन्दी बलियो बनाउने अवस्था छ । खासगरी ओलीले राजदूत नियुक्ति र मन्त्रिमण्डल पुनर्गठनमा एकलौटी गरेपछि असन्तुष्टी चुलिएको छ ।
त्यसैले आउने महाधिवेशन समयमै हुने कुनै सम्भावना देखिंदैन । साथै, ओलीले अब पार्टी अध्यक्षका रुपमा कक्षा नदोह¥याउने भनेपनि त्यस्तो माहोल देखिंदैन । ओलीको कार्यशैली र व्यवहारले गर्दा प्रचण्ड माधव नेपालले पत्याउन छाडेका छन् । कतै ओलीले फेरिपनि पार्टी अध्यक्षमा कक्षा दोह¥याउने पो हुन् की भन्ने सम्भावना आशंका बढेको छ । त्यसको छनक ओलीले दिइसकेका छन् । हिजो मृगौलाको दोस्रोपटक प्रत्यारोपण नगर्दा र अहिलेको अवस्थामा व्यापक बदली आएको छ । ओली निकटहरुले एकपटक फेरि अध्यक्षमा दोह¥याउन दबाब सिर्जना गरिरहेका छन् । त्यसैले ओली फेरि आक्रमक शैलीमा प्रस्तुत हुन थालेको देखिन्छ ।
उता, प्रमुख प्रतिपक्षी कांग्रेसको अवस्था त अझै नाजुक छ । पार्टी महाधिवेशन नगर्न सभापति देउवा भरमग्दुर प्रयास गरिरहेका छन् । विगत भन्दा परिस्थिति बदलिएको छ । देउवा दोस्रो कार्यकालका लागि प्रतिस्पर्धा गर्ने मुडमा छन् । तर उनका सहयोगी भने बाहिरिने क्रममा छन् ।खासगरी विमलेन्द्र निधिको सभापतिमा लड्ने सम्भावनाले देउवालाई अफ्ठेरोमा पारेको छ । बाहिर नबोलेपनि देउवा परिस्थिति प्रतिकुल बन्दै गएको बुझ्दैछन् ।
असन्तुष्ट पक्षपनि अब देउवाविरुद्ध कसिलो घेराबन्दी गर्ने तयारीमा जुटेका छन् । वरिष्ठ नेता रामचन्द्र पौडेललाई प्रतिस्पर्धाको मैदानमा नउतारी दोस्रो पुस्ताका एकजनामा सहमति जुटाउने प्रयास भएको छ । त्यो प्रयासमा निधिसमेत जोडिने अवस्था बनेको छ । जसले गर्दा देउवाको जित सहज छैन । त्यसैले उनी सकेसम्म महाधिवेशन टार्ने पक्षमा छन् । कोरोना संक्रमण व्यापक भएको भन्दै फागुनमा महाधिवेशन गर्न नसकिने उनको धारणा लगभग सार्वजनिक भइसकेको छ । त्यसलाई औपचारिकता दिन उनले कार्यसमिति बैठक डाकेका थिए । तर नेताहरु नै संक्रमित भएको रिपोर्ट आएकाले हाललाई स्थगित भएको छ ।
यही अवस्था निरन्तर अगाडि जाने सम्भावना देखिन्छ । दशैतिहारपछि कोरोना अझै फैलने पूर्वानुमान गरिएको छ । त्यस्तो अवस्था आउने हो भने कांग्रेसले फागुनमा महाधिवेशन गर्ने छैन । आगामी जेठ वा भदौ नयाँ मिति तय हुन सक्ला । तैपनि महाधिवेशन नै गर्न भने कसैले जाँगर देखाउने अवस्था छैन । यही अवस्था रहिरह्यो भने ठूला दुुई पार्टीले थप एकवर्ष महाधिवेशन नगर्ने सहमति जनाएर संविधानमै संशोधन गरे भने अनौठो नमाने हुन्छ । यस्तो प्रस्ताव पारित गर्न ओली र देउवा तयार हुने छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
सुनचाँदीको मूल्य घट्यो, कतिमा हुँदै छ किनबेच ?
बैशाख १३, २०८१ बिहिबार
विश्वकै प्रदूषित शहर बन्यो काठमाडौं, शीर्ष स्थानमा उक्लियो
बैशाख १४, २०८१ शुक्रबार
बुलबुलेमा मोटरबोट
बैशाख १४, २०८१ शुक्रबार
बेँसीसहर–खुदी सडक कालोपत्र सम्पन्न
बैशाख १४, २०८१ शुक्रबार
विश्वमा २८२ मिलियन मानिसहरू भोकमरीको चपेटामा, गत बर्ष थपिए २४ मिलियन
बैशाख १४, २०८१ शुक्रबार
देशभर कक्षा १२ को परीक्षा शान्तिपूर्ण रूपमा हुँदै
बैशाख १४, २०८१ शुक्रबार
भारतमा लोकसभाको दोस्रो चरणको मतदान जारी, १३ राज्यका ८८ सिटमा चुनाव हुँदै
बैशाख १४, २०८१ शुक्रबार