प्रहरी असई हत्याको विरोधमा जिल्ला प्रहरी कार्यालय घेराउ

२ कार्तिक, कैलाली । प्रहरी असईकै हत्या भएपछि स्थानीयले जिल्ला प्रहरी कार्यालय कैलाली घेराउ गरेका छन् । अस्थायी प्रहरी पोष्ट जुगेडाका प्रमुख असई गोविन्द विश्वकर्माका हत्यारालाई तत्काल पक्राउ गरेर कारवाही गर्न माग गर्दै उनका परिवारसहित स्थानीयले जिल्ला प्रहरी कार्यालय कञ्चनपुर घेराउ गरेका हुन् ।

विश्वकर्माको हत्यापछि उनका आफन्त कञ्चनपुरबाट कैलाली आएका थिए । देशमा प्रहरीको सुरक्षा नभएको भन्दै आक्राशित भएका उनीहरुले प्रहरी कार्यालय अगाडी पुगेर नाराबाजी गर्नुका साथै धर्ना दिएका छन् । असई विश्वकर्मा कञ्चनपुर पुनर्वास नगरपालिका ८ का स्थायी बासिन्दा हुन् ।

गएराती मोटरसाइकलमा ड्युटीका लागि निस्केका असई विश्वकर्माको विहान मोहना नदीमा घाटी रेटिएको अवस्थामा शव भेटिएको थियो । उनीसँगै गएका प्रहरी जवान रामबहादुर साउद भने अझै बेपत्ता छन् । उनको खोजी भइरहेको प्रहरीले जनाएको छ ।