प्रधानमन्त्री र मन्त्रीको दशैँ भत्ता कोरोना कोषमा जम्मा गर्ने सरकारको निर्णय

३ कात्तिक, काठमाडौं । सरकारले मन्त्रिपरिषदका सबैको दशैँ भत्ता कोरोना कोषमा जम्मा गर्ने निर्णय गरेको छ । प्रधानमन्त्री र मन्त्रीहरुले आफ्नो दसैँ भत्ता कोरोना रोकथाम, नियन्त्रण तथा उपचार कोषमा जम्मा गर्ने निर्णय गरेका सरकारका प्रवक्ता पार्वत गुरुङले जानकारी दिएका हुन् ।

मन्त्रिपरिषदका निर्णयहरु सार्वजनिक गर्न सोमबार आयोजित पत्रकार सम्मेलनमा सरकारका प्रवक्ता एवं सञ्चारमन्त्री गुरुङले यसबारे जानकारी दिएका हुन् । उनले प्रदेश र स्थानीय तहका पदाधिकारीलाई पनि दसैं भत्ता कोरोना कोषमा जम्मा गर्न आग्रह गरेका छन् ।

पछिल्लो समय कोरोना महामारीमा पनि दशैँ भत्ता लिने भन्दै सरकारको चर्को आलोचना समेत भएको भइरहेको थियो ।