सप्तरीमा थप १० जनामा कोरोना संक्रमण भेटियो

♦ धीरुभाइ

६ कार्तिक, सप्तरी । सप्तरीमा थप दुई महिलासहित बिहीबार दश जनामा कोरोना संक्रमण पुष्टि भएको स्वास्थ्य कार्यालयले जनाएको छ ।
जिल्ला प्रशासन कार्यालयमा ५१ जनाको गरिएको स्वाब संकलनको रिपोर्ट मध्ये १० जनाको रिपोर्टमा पोजेटिभ आएको बताइएको छ ।

वार्ड नम्बर नखुलेको राजविराजका ५२ वर्षीया महिला, ३१ वर्षीय पुरुष, उमेर नखेलेका पुरुष, जिल्ला प्रशासन कार्यालयका ३० वर्षीय पुरुष कर्मचारी, ३९ र ४६ वर्षीय पुरुष प्रहरी, राजविराज २ का ११ वर्षीया महिला, राजविराज ८ का २८ वर्षीय पुरुष, हनुमाननगर कंकालीनी नगरपालिका १ का ४२ वर्षीय पुरुष, र शम्भुनाथ नगरपालिका ८ का ५५ वर्षीय पुरुष शिक्षकमा कोरोना संक्रमण पुष्टि भएको स्वास्थ्य कार्यालय सप्तरीका वरिष्ट मलेरिया इन्सपेक्टर नारायणप्रसाद राउत बरैले जानकारी दिए ।

यससँगै जिल्लामा कुल संक्रमितको संख्या एक हजार ५६२ पुगेको छ । तीमध्ये बिहीबार १८ जनासहित एक हजार २९३ जना निको भएर डिस्चार्ज भएको उनले बताए ।