सङ्कटमा अजिगरा ताल

१२ कार्तिक, कपिलवस्तु ।  कपिलवस्तुको कृष्णनगर नगरपालिका– ७ मा रहेको अजिगरा ताल सङ्कटमा । तालको चारै तिरबाट अतिक्रमण हुन थालेपछि ताल सङ्कटमा पर्दै गएको हो । अजिगरा ताल जंगली धान तिन्नीको प्रकृतिक उपज स्थलका साथै विभिन्न स्वदेशी तथा विदेशी चराहरुको प्रजन्न स्थलको रुपमा रहेको छ ।

करिब २५ बिघाभन्दा बढी क्षेत्रफलमा फैलिएको तालमा स्थानीय बासिन्दाले संरक्षण नगर्दा माटोले पुरिएर अस्तित्व नै लोप हुने सङ्घारमा छ । सारस प्रजाति चरा समेत पाईने यो तालमा व्यवस्थापनको अभावका कारण जैविक विविधता संरक्षण हुन सकेको छैन । तस्बिर : सनिउल्ला धोबी÷रासस