११ मंसिर २०७८, शनिबार

भारतमा कोरोना संक्रमितको संख्या ८० लाख कट्यो

प्रकाशित मिति :  १३ कार्तिक २०७७, बिहीबार १३:०१


१३ कार्तिक, नयाँदिल्ली । भारतमा कोरोना भाइरसबाट संक्रमित हुने मानिसको संख्या ८० लाख नाघेको छ । भारतको स्वास्थ्य मन्त्रालयले सार्वजनिक गरेको तथ्यांक अनुसार अहिलेसम्म भारतमा कोरोनाबाट संक्रमित हुनेको संख्या ८० लाख ४० हजार २०३ पुगेको छ ।

पछिल्लो २४ घण्टामा मात्र भारतमा कोरोनाका ४९ हजार ८८१ नयाँ संक्रमित थपिएका हुन् । त्यस्तै भारतमा कोरोनाबाट मृत्यु हुनेको संख्या पनि एक लाख २० हजार ५२७ पुगेको छ । पछिल्लो २४ घण्टामा मात्र भारतमा कोरोनाबाट ५१७ जनाको मृत्यु भएको हो ।

अहिलेसम्म भारतमा कोरोनाका ७३ लाख १५ हजारभन्दा धेरै संक्रमित निको भइसकेका छन् । कोरोनाबाट सबैभन्दा धेरै प्रभावित बनेको अमेरिकामा अहिलेसम्म ८८ लाखभन्दा धेरै संक्रमित फेला परिसकेका छन् ।

अमेरिकामा कोरोनाबाट मृत्यु हुनेको संख्या पनि दुई लाख २७ हजार नाघेको छ । ब्राजिलमा अहिलेसम्म कोरोनाबाट मृत्यु हुनेको संख्या एक लाख ५८ हजार नाघेको छ ।


नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया दिनुहोस !
NCC-Remit-Ad-nepalbahas
छुटाउनुभयो कि?
ताजा