के माधव नेपालले पार्टी फुटाउन ओलीलाई साथ देलान् त ?
नेपालबहस संवाददाता
कात्तिक १७, २०७७ सोमबार १८:१५:८
१७ कार्तिक, काठमाडौं । सत्तारुढ नेपाल कम्युनिष्ट पार्टीभित्रको अन्तरद्धन्द्ध यतिबेला रोचक बन्न पुगेको छ । प्रधानमन्त्रीसमेत रहेका पार्टी अध्यक्ष केपी ओलीको पछिल्लो चालाले विवादलाई रोचक बनाएको हाे । अर्का अध्यक्ष पुष्पकमल दाहाल ‘प्रचण्ड’सँगको विवाद उत्कर्षमा पुगेपछि ओलीले भनेका छन्– अब भेडा भेडा एकातिर र बाख्रा बाख्रा अर्कातिर हुने भयो । अर्थात, नेकपा सग्लो रहने अवस्था देखिएन ।
एकता प्रक्रिया पूरा नहुँदै विभाजनको दिशामा पार्टी पुगेको निश्कर्ष सबैले निकालेका छन् । साथै, ओलीले नेताहरुको नाडी छामेर व्यवहारसमेत गर्न थालेको देखिन्छ । प्रचण्डसँग मिलेर नबस्ने लगभग निश्कर्ष नै निकालेका प्रधानमन्त्री ओलीले अब अर्का नेता माधवकुमार नेपालको साथ र सहयोग लिएर अगाडि बढ्ने सोच बनाएको देखिन्छ ।
प्रचण्डसँग अगल भएरै जाने पक्षमा देखिएका ओलीको पछिल्लो कदम नेता नेपाललाई मिलाउनेतिर केन्द्रित देखिएको छ । यसका लागि उनले आफ्ना दूतहरुलाई सकृय बनाएका छन् । पहिलो चरणमा हिजो नेता प्रदीप नेपालसँग दूतहरुको टोली पठाएर नाडी छाम्ने काम गरेका छन् ओलीले । गोठाटारस्थित प्रदीप नेपालको निवासमै पुगेर ओलीका दूतहरुले अब पूर्व माओवादीसँग एकता गरेर अगाडि बढ्न नसक्ने अवस्था आएको भन्दै अर्का नेता माधव नेपाललाई सम्झाइदिन आग्रह गरे ।
माधव नेपालका अत्यन्त विश्वासिला नेता प्रदीप हिजोआज राजनीतिमा सकृय देखिंदैनन् । स्वास्थ्य अवस्था कमजोर रहेकाले उनी राजनीति भन्दा टाढै रहन रुचाउँछन् । तर ओलीका दूतहरुको आग्रहलाई उनले गम्भिरतापूर्वक लिएका छन् । यसबारे आज माधव नेपालसँग कुरा गर्ने उनले बताएका थिए ।
प्रदीपसँगको छलफलमा स्वास्थ्यमन्त्री भानुभक्त ढकालका साथै ओलीका सल्लाहकार समूहका सदस्यहरु पुगेका थिए । गोठाटारबाट फर्केर यो समूहले प्रधानमन्त्री ओलीलाई हिजै सबै ब्रिफिङ गरेको थियो । त्यसपछि भएको छलफलमा जसरी भएपनि नेता नेपाललाई नै साथमा लिएर पूर्व माओवादी पक्षलाई किनारा लगाउने निश्कर्ष निकालिएको छ । यसका लागि यही समूहले आज नेता नेपाललाई उनको कोटेश्वरस्थित निवासमै गएर भेट्ने भएको छ ।
माधवले प्रदीपलाई भेट्दै
आज बिहान ११ बजेका लागि ओलीका दूतहरुलाई नेता नेपालले कोटेश्वर बोलाएको स्रोतको दाबी छ । उनीहरुसँगको भेटपछि नेता नेपाल प्रदीपको निवासमै गएर भेट्ने तयारीमा रहेको निकटवर्ती स्रोतले बतायो । यसबारे माधवले प्रदीपलाई जानकारी गराइसकेको बताइन्छ । दिउँसो २–३ बजे माधव कम्रेडले प्रदीपलाई भेट्ने समय तालिका बनाएको पनि स्रोतको दाबी छ । संकटका बेला जहिलेपनि माधवले प्रदीपको सल्लाह लिने गरेका छन् । त्यसैले आजपनि सल्लाह लिने गरी माधव कम्रेड जाँदै हुनुहुन्छ– स्रोतको भनाई छ ।
प्रचण्ड माधव संवाद
हिजो साँझैदेखि गर्माएको राजनीतिलाई कसरी सम्हाल्ने भन्ने विषयमा प्रचण्ड र नेता नेपालबीच पटक पटक वार्ता भएका छन् । ओलीले अब नेकपा सचिवालय बैठक नबोलाउने र निर्णय पनि नमान्ने भन्दै सल्लाहमै पार्टी फुटाउँ भनेकाले कसरी जाने भन्नेबारे नेताहरुले गम्भिरतापूर्वक छलफल गर्न थालेका छन । आज बिहान पनि प्रचण्ड र नेता नेपालबीच संवाद भएको स्रोतको भनाई छ ।
ओलीले नेता नेपाललाई फकाउन थालेको समाचार सार्वजनिक भएपछि त्यसबारे बुझ्न प्रचण्डले टेलिफोन गरेका थिए । साथै, ओलीको प्रस्तावबारे तपाईंको धारणा के हो भनेर जिज्ञाशासमेत राखेका थिए । जवाफमा नेता नेपालले अब ओलीको अर्काे फण्डा मात्रै आएको भन्दै गठबन्धन अझै मजबुत बनाउनुपर्ने प्रष्ट गरेका थिए । साथै आज ओलीका दूतहरुसँग भेटेर प्रदीप कहाँ जाने कार्यक्रम रहेकापनि उनले प्रचण्डलाई बताएका थिए ।
ओली आक्रमक, प्रचण्ड रक्षात्मक
अब सँगै मिलेर जान नसकिने भन्दै ओलीले प्रचण्डलाई पार्टी विभाजनको संकेत गरेपछि पूर्व माओवादी पक्षधर गम्भिर बनेको छ । प्रचण्डले निकटवर्ती नेताहरुसँग यसबारे छलफल गरेका थिए । साथै, कर्णाली प्रदेशमा गर्न लागिएको मन्त्रिमण्डल पुनर्गठनसमेत अहिले स्थगित गर्ने निर्णय नेताहरुले गरे । प्रचण्ड पक्षले अब ओली झिनामसिना विषयमा समेत विवाद खडा गरेर पार्टी विभाजनको दोष प्रचण्डमाथि लगाउने दाउमा रहेको आंकलन गरेको छ । त्यसैले अहिले आफूहरु एक कदम पछाडि हटेरै भएपनि ओलीलाई मौका नदिने पक्षमा रहनुपर्ने ठहर प्रचण्ड पक्षले गरेको छ ।
ओली पक्षले भने प्रचण्डले नै पूर्व सहमति तोडेको आरोप लगाउने गरेको छ । पार्टीको कार्यकारी अध्यक्षको भूमिकामा पुगेका प्रचण्ड अनावश्यक रुपमा सरकारको कामतिर दखलअन्दाज गर्न तम्सिएको उनीहरुको भनाई छ । सरकार कसरी चलाउने भन्ने जिम्मा प्रधानमन्त्रीको विषेशाधिकार हो , तर प्रचण्डको ध्यान पार्टी भन्दा सरकारमा बढी देखिएकाले नै समस्या परेको हो । सबैले आफ्नो क्षेत्राधिकार भित्र बसेर काम गर्ने हो भने कुनै समस्या पर्दैन– ओली निकट स्रोतको भनाई छ ।
माधव नै निर्णायक
नेकपा भित्रको पछिल्लो विवादलाई निश्कर्षमा पुु¥याउने हैसियत अब माधव नेपालको पक्षमा गएको छ । नेता नेपालले लिने निर्णय नै पार्टीको भविष्य निर्धारण गर्ने अवस्थामा रहेको छ । गम्भिर स्वभावका माधवले अब कस्तो रणनीति बनाउने हुन् त्यसैमा सबै निर्भर गर्ने देखिएको छ । ओलीले भनेजस्तो पूर्व एमालेको अलगै पार्टी बनाउने की पूर्व माओवादीलाई समेत साथै लिएर जाने भन्ने विषयमा नेता नेपालले लिने निर्णयले सबै निर्धारण गर्ने देखिएको छ ।
ओलीबाट पटक पटक धोका पाएका नेता नेपालले त्यति सहजै ओलीलाई साथ देलान् भन्ने लाग्दैन । तर ओलीले भने जस्तै भेडा भेडा एकातिर र बाख्रा बाख्रा अर्कातिर हुने अवस्था आयो नै भने चाहिंं नेता नेपाल कुन कित्तामा उभिने हुन् त्यो भने हेर्न बाँकी नै छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
चितुवाको आक्रमणमा परी युवक घाइते
बैशाख १४, २०८१ शुक्रबार
मर्स्याङ्दी जलाशयमा मोटरबोट चढ्ने आकर्षण
बैशाख १४, २०८१ शुक्रबार
धनुषामा नौ सयभन्दा बढीमा हात्तीपाइले रोग
बैशाख १४, २०८१ शुक्रबार
तीन करोड मानिसको स्वास्थ्यमाथि खेलबाड गर्ने चौधरी समूहलाई २ लाखमा उन्मुक्ति
बैशाख १४, २०८१ शुक्रबार
गणेशमान सिंह क्रिकेटमा सुदूरपश्चिम विजयी
बैशाख १४, २०८१ शुक्रबार
लाओसमा दादुरा, रुबेलाबाट बालबालिकालाई जोगाउन खोप अभियान सुरु
बैशाख १४, २०८१ शुक्रबार