के कुरा भएकाे थियाे ओली र प्रचण्ड बीच ? प्रचण्ड निवासमा पूर्व माओवादीबीच गम्भीर छलफल
नेपालबहस संवाददाता
कात्तिक १७, २०७७ सोमबार २१:१६:५९
१७ कार्तिक, काठमाडौं । प्रधानमन्त्री केपी ओलीले अर्का अध्यक्ष पुष्पकमल दाहाल ‘प्रचण्ड’को पछिल्लो भेटमा हकार्ने शैलीमा भने– तपाईं हाम्रै पूर्व समूहमा खेल्न खोज्दै हुनुहुन्छ, म तपाईंसँग डराउने वा तर्सने मानिस होइन । ओलीसँगको ११ दिने संवादहिनतापछि भएको भेटमा ओली यसरी कड्किएपछि प्रचण्डले पनि जवाफ दिए– बरु तपाईं चाहिं खेल्ने काम गर्नुहुन्छ, कहिले मलाई खेलाउन खोज्नुहुन्छ भने कहिले माधव नेपाललाई । अब तपाईंको सकुनी चाला चल्नेवाला छैन् ।
नेकपाका अध्यक्षद्वय ओली र प्रचण्डबीच झण्डै डेढ घण्टा यस्तै आक्रोशपूर्ण संवाद भयाे । एकले अर्कालाई तुच्छ देखाउन सक्दो प्रयास गरे ।नोकझाेंककै बीचमा ओलीले भने- तपाईंले बनाएर माधव नेपाल प्रधानमन्त्री हुन्छन् त, ल बनाएर देखाउनुहोस् । बिचरा माधवलाई किन बेवकुफ बनाउनुहुन्छ ? ओली यसरी झर्किए । जवाफमा प्रचण्डले उल्टै भने – त्यस्तो नचाहिने आश्वासन बाँडने काम म गर्दिन , बरु तपाईं नै गर्नुहुन्छ । मैले माधवजीलाई बनाउने भनेको छैन् । यदि बनाउनै परे किन नहुने ? तपाईं भन्दा त बढी सुझबुझ भएका नेता हो माधव कम्रेड ।
प्रचण्डले माधवको प्रशंशा गरेपछि ओली अझैं झोक्किए– ल त मलाई हटाएर बनाउनुहोस् न त माधवलाई प्रधानमन्त्री । बरु सोझै आफैं प्रधानमन्त्री बन्न तम्सिनुभएको होला ? प्रचण्डले जवाफमा भने- किन मैले प्रधानमन्त्री बन्न हुँदैन र ? मैले पनि जनताको मतले जितेको छु । दुईपटक प्रधानमन्त्री भएको अनुभव मसँग छ । ल पूर्व सहमति बमोजिम मलाई छाड्नुहोस् न त – प्रचण्डले यस्तो प्रस्ताव गरे ।
अनि ओलीले भने – अब तपाईंसँग मिलेर जाने अवस्था रहेन , आ-आफ्नो बाटो रोजौं । सल्लाहबाटै पार्टी अलग गरौं । यस्तो जवाफ सुनेका प्रचण्ड एकछिन त सन्न भए । तर आफूलाई सम्हाल्दै उनले भने ल के गर्दा तपाईंलाई राम्रो हुन्छ, त्यही गर्नुहोस् । यति भनेर प्रचण्ड खुमलटारतिर लागे । बाटोबाटै उनले नेताहरु झलनाथ खनाल, माधव नेपाल, वामदेव गौतम र नारायणकाजी श्रेष्ठलाई उनले आफ्नो निवास डाके । त्यसपछि भेला भएका सबैलाई उनले ओलीसँगको संवाद सुनाए ।
समीक्षा बैठकमा सबैको एउटै राय आयो । अब ओलीसँग मिलेर जाने हो भने उनको गुलामी गर्नुकाे विकल्प रहँदैन । नेता नेपालले ओली कमजोर भएपछि यस्तै कुतर्क गर्ने मानिस भएको सुनाए । झलनाथले पनि पार्टी प्रणाली कार्यान्वयन गर्न सकिएन भने पार्टी विघटनको विकल्प नरहेको धारणा राखे । वामदेवले भने ओलीको आक्रोश सत्ता उन्मादले जन्माएको हो भन्दै केही समय पर्खनुपर्ने धारणा राखे । नारायणकाजीले भने खासै प्रतिक्रिया जनाएनन् ।
यो पृष्ठभूमिमा पूर्व माओवादीलाई एक्ल्याएर जान ओलीको प्रस्तावमा माधव नेपालले खेल्ने भूमिका नै निर्णायक हुने देखिएको छ । आजै बिहान पनि ओलीले माधव नेपालसँग मिलेर जान प्रस्ताव गरेका छन् । दूतहरुमार्फत ओलीले यस्तो प्रयास गरेका हुन् । तर माधव भने अहिले यसबारे खुलेका छैनन् । मात्र ओलीको छटपटीलाई नियाली रहेको देखिन्छ ।
के साँच्चै नै ओलीको चाहना पूर्व माओवादीलाई पन्छाउने नै हो त ? हो भने माधव नेपालको भूमिका कस्तो रहन्छ ? यही प्रसंगमा आज दिनभरि प्रचण्ड निवासमा भेला भएका नेताहरुले गम्भिर छलफल गरेको स्रोतको भनाई छ । छलफलमा उनले निकट नेताहरुलाई राखेका थिए । नेकपाको एकता प्रकृया पूरा नभई विभाजनको अवस्था आयो भने कसरी प्रस्तुत हुने भन्ने विषयमा गहन छलफल भएको छ – प्रचण्ड निकट एक नेताले भने । तर ओली एक्लैले चाहेर पार्टी फुटाउने अवस्था रहनेवाला छैन भन्ने नै अधिकांशको धारणा रह्यो ।
यद्यपि माधव नेपालको भूमिका नै फेरि पनि निर्णायक हुने सबैको मत थियो । केही नेताले भने ओलीले पूर्व एमालेहरुलाई एकैथलोमा ल्याउने गरी विभाजन गर्न खोजे भने माधव नेपालहरुलाई समेत प्रभाव पर्न सक्ने भएकाले त्यो सम्भावनाबारे पनि सोच्नुपर्ने धारणा राखेका थिए । त्यहाँ भेला भएका मध्ये उर्जामन्त्री वर्षमान पुनले एकपटक फेरि ओली र प्रचण्डबीच संवाद गर्नु उपयुक्त हुने धारणा राखेको स्रोतको भनाई छ । तर सहभागी अन्य नेताहरुले भने माधव नेपालको प्रतिक्रियापछि मात्रै नयाँ रणनीति बनाउनुपर्नेमा जोड दिएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
बाल मन्दिरपछि सीआईबीको नजरः टीकापुर, तारागाउँ र हरिसिद्धि तिर
बैशाख ३०, २०८१ आइतबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
सरकारलाई दिएको समर्थन फिर्ता लिने जसपा नेपालको निर्णय
बैशाख ३०, २०८१ आइतबार
धुलिखेल र जापानको सरोमा नगरबीच सीप–प्रविधि आदानप्रदान सम्झौता
बैशाख ३०, २०८१ आइतबार
ठगी आरोपमा चार जना पक्राउ
बैशाख ३०, २०८१ आइतबार
सर्वोच्चद्वारा वर्ल्डलिंकको रिट खारेज,शुल्क असुल्न बाटो खुल्ला
बैशाख ३०, २०८१ आइतबार
राजस्थानमाथि चेन्नई ५ विकेटले विजयी
बैशाख ३०, २०८१ आइतबार
सिन्धुपाल्चोकमा मोटरसाइकल दुर्घटना हुँदा एकको मृत्यु
बैशाख ३०, २०८१ आइतबार