नेपाली कांग्रेस (वीपी)ले भारतीय स्थलसेनाध्यक्षलाई कालो झण्डा देखाउने

१७ कार्तिक, काठमाडौं । नेपाली कांग्रेस (वीपी) ले भारतीय स्थलसेनाध्यक्ष जनरल मनोजमुकुन्द नारावणेलाई कालो झण्डा देखाउने कार्यक्रम रहेको सार्वजनिक गरेको छ । नेपाल सरकारले प्रदान गर्ने नेपाली सेनाको मानार्थ महारथी (सेना प्रमुख)को दर्ज्यानी चिन्ह प्राप्त गर्न असोज १९, २० र २१ गते भारतीय स्थलसेनाध्यक्ष नेपाल आउँने कार्यक्रम रहेको छ । सोहि कार्यक्रमलाई लक्षित गर्दै कांग्रेस (वीपी)ले नेपाल भ्रमणमा आपत्ति जनाउदै कालो झण्डासहितको विरोधका कार्यक्रम घोषणा गरेको छ ।

आज पार्टी कार्यालयका सचिव सुशीलराज वाग्लेले एक विज्ञप्ति जारि गर्दै नेपाली भूमी कालापानी, लिपुलेक र लिम्पियाधुरा समावेश गरि नेपाल सरकारले नेपालको प्रशासनिक तथा राजनैतिक नक्सा सार्वजनिक गरेपछी भारतीय स्थलसेनाध्यक्ष जनरल मनोजमुकुन्द नारावणेले सीमाना सम्बन्धी आपत्तिजनक वक्तव्य दिई नेपाल र नेपालीमाथिको आत्म–सम्मानमा ठेस पुर्याई धावा बोलिएको कुरा उल्लेख गरिएको छ । नरवाणेले उक्त वक्तव्य फिर्ता नलिई नेपाल सरकारले नेपाली सेनाको मानार्थ महारथी (सेना प्रमुख)को दर्ज्यानी चिन्ह प्राप्त गर्न भारतीय स्थलसेनाध्यक्ष नेपालको भ्रमणमा आउने भएपछि विरोधको कार्यक्रम राखिएको विज्ञप्तिमा उल्लेख गरिएको छ । वक्तव्य फिर्ता बिना हुने भ्रमणमा कालो झण्डा सहितका विरोध कार्यक्रममा सहभागी हुन प्रजातन्त्रवादी, राष्ट्रवादी, देशभक्त, नागरिक समाज, समाजसेवी, पेसागतकर्मी, श्रमजीवि मजदुर, किसन, शिक्षक, कर्मचारी, विद्यार्थी तथा आम(जनसमुदायमा कांग्रेस वीपीले हार्दिक अपिल गरेको छ ।

विज्ञप्तिमा लोकतान्त्रि गणतान्त्रिक व्यवस्थाका नायक भन्ने दलहरुलाई लोकतान्त्रि गणतान्त्रिक व्यवस्था आए पछी राजाका नामजोडिएका सम्पूर्ण संघ(सस्था, स्थान, राष्ट्रिय निकुन्ज, ट्रसहरु खारेज गरिए पनि राजा महेन्द्रले २०२० साल जेष्ठ महिना २५ गतेबाट सुरुवात गरिएको चलनलाई निरन्तरता दिनु भनेको के भारतसँग लम्पसारवाद होईन र ? भनि प्रश्न समेत गरिएको छ । यधपी नेपाली कांग्रेस (वीपी) नेपाली कांग्रेस लोकतान्त्रि गणतान्त्रिक, धर्म निरपेक्षता र संघियतामा गए पछी फरक मत राख्दै स्थापना भएको पार्टी हो ।