तयारी अवैध ५० लिटर घरेलु मदिरा नष्ट

१८ कार्तिक,रौतहट । रौतहट प्रहरीले तयारी अवस्थामा रहेको अबैध घरेलु मदिरा र भट्टी नष्ट गरेको छ । प्रहरीले गढीमाई नगरपालिका वडा नं. ४ पर्सा टोल बस्ने उपेन्द्र चौधरी र आमोद चौधरीले आ-आफ्नै एक तल्ले खपडाको कच्ची घरमा संचालन गरेको अवैध घरेलु मदिरा भट्ठीमा छापा मारी नष्ट गरेको हो ।

प्रहरीले उक्त भट्ठीमा प्रयोग भएको मदिरा उत्पादन गर्ने मेसिन २ थान, २ थान प्लाष्टिकको ड्रम, २ थान ग्याँस सिलिण्डर, २ थान भट्टी चुल्हो, १ थान सिलिभरको डेक्ची सहित टिनको ड्रम थान समेत बरामत गरेको छ ।

यस्तै, प्रहरीले तयारी अवैध घरेलु मदिरा ५० लिटर, मिठा ‘सखर’ ५० किलो ग्राम तथा कच्चा पदार्थ तिन हजार लिटर बरामद गरि स्थानिय भद्र भलादमी मानिसहरुको रोहवरमा नष्ट गरिएको जनाएको छ ।