शिक्षकको तलब बुझेका प्रधानाध्यापकको हत्या, विरोधमा टायर बालेर प्रदर्शन

१८ कार्तिक, बैतडी । बैतडीमा एक जना प्रधानाध्यापकको हत्या भएको छ । डिलाशैनी गाउँपालिका २ स्थित डाँडाबाग आधारभुत विद्यालय कपट्टाका प्रधानाध्यापक गोविन्द घरडीको मंगलबार हत्या भएको अवस्थामा शव भेटिएको हो ।

४५ वर्षीय प्रधानाध्यापक घरडीको शव दार्चुलाको शैल्यशिखर नगरपालिका ९ शिवपुरी धाम नजिक फेला परेपछि स्थानीयले टायर बालेर विरोध प्रदर्शन शुरु गरेका छन् ।

इलाका प्रहरी कार्यालय गोकुलेश्वरका प्रहरी निरीक्षक खगेन्द्रसिंह साउँदका अनुसार उनको साथमा नगद ८५ हजार रुपैयाँ भेट्टिएको छ । शिक्षकको तलब बुझेर फर्किने क्रममा उनको हत्या भएको थियो ।

प्रधानाध्यापक घरडी सोमबार तलब बुझेर फर्किएपछि हत्या भएको र यसबारेमा थप अनुसन्धान भइरहेको बताएको छ । स्थानीयले भने हत्या गर्नेलाई तुरुन्त सार्वजनिक गर्न माग गर्दै टायर बालेर विरोध प्रदर्शन शुरु गरेका छन् ।