पशुपतिनाथ दर्शनमा पुगेका नरावणेविरुद्ध कालो झण्डा प्रदर्शन

२० कार्तिक, काठमाडौं । नेपाली कांग्रेस (बीपी) ले नेपालको कालापानी, लिपुलेक र लिम्पियाधुरा सम्बन्धि आपत्तिजनक अभिव्यक्ति दिने भारतीय स्थल सेनाध्यक्ष मनोजमुकुन्द नरावणेलाई कालो झण्डा देखाएको छ ।

नेपाल भ्रमण तथा नेपाली सेनाको महार्थ महारथीको पदवी दिने कार्यको विरोध गर्दै पशुपतिमा नरावणेले दर्शन गर्दै गर्दा नेपाली कांग्रेस (बीपी) का महामन्त्री पुष्पराज पराजुलीको नेतृत्वमा रहेका नेताकार्यकर्ताले विरोध गर्दै कालो झण्डा प्रदर्शन गरेका थिए ।

नेपाली कांग्रेस (बीपी)को भोलि पनि विरोध गर्ने कार्यतालिका रहेको छ ।