यस बर्षको छठ : उपत्यकामा रोक, तराईमा निर्वाध !

२ मंसिर, काठमाडौं । यस बर्षको कोरोना महामारीले गर्दा देउसी भैलो खेल्न नपाएजस्तै भीडभाड गरेर छठ पर्व मनाउन पनि निषेध गरिएको छ । काठमाडौंका उपत्यकाका नदीमा भेला भएर छठ पर्व मनाउन प्रशासनले रोक लगाएपछि खुलेआम छठ मनाउने योजना पूरा नहुने भएको छ ।

काठमाडौंका प्रमुख जिल्ला अधिकारी जनकराज दाहालले महामारीको जोखिम थप बढेकाले छठ मनाउन कडाई गरिएको बताए । काठमाडौं, भक्तपुर र ललितपुरका प्रमुख जिल्ला अधिकारीको सल्लाह अनुसार यस बर्ष उपत्यकामा छठ पर्व मनाउन कडाई गर्ने निर्णय भएको हो ।

तर तराईमा भने यसपटक निर्वाध छठ मनाउने तयारी छ । स्थानीय तहका जनप्रतिनिधि समेत छठको रौनकमा रमाउने भएकाले जिल्ला प्रशासनले पनि कडाईका साथ निर्देशन जारी गर्न सकेका छैनन् ।