प्रचण्डलाई जिल्ल पार्दै सकियो नेकपा सचिवालय बैठक, ओलीको खड्गो १० दिन टर्‍यो

३ मंसिर, काठमाडौं । सत्तारुढ नेकपाको सचिवालय बैठक सम्पन्न भएको छ । बालुवाटारमा बसेको बैठक १० दिनपछि बस्ने गरी सम्पन्न भएको हो । प्रचण्डले पेश गरेको राजनीतिक प्रस्तावमाथि छलफल नगरेरै बैठक सकिएको हो ।

गएको तीन दिनदेखि प्रधानमन्त्रीसमेत रहेका पार्टी अध्यक्ष केपी ओलीको दौडधूपले तत्काललाई उनीमाथिको संकट टरेको छ । राष्ट्रपति, पार्टीका केही युवा नेता र विदेशी शक्तिसमेत परिचालन गरी ओलीले तत्कालको खड्गो पन्छाएका छन् । तर ओली अझै सुरक्षित स्थानमा भने पुुग्न सकेका छैनन् ।

आज बसेको सचिवालय बैठकमा ओलीले दश दिनभित्र समस्या समाधानको उपाय सुुझाउने वचन दिएकाले बैठक स्थगित भएको बताइएको छ । यद्यपि बैठकको पूर्ण विवरण भने आइसकेको छैन । यसले नेकपाका कार्यकारी अध्यक्ष प्रचण्डलाई प्रधानमन्त्री तथा अध्यक्ष ओलीले फेरि जिल्ल पारेका छन् ।

लगत्तै बालुवाटारमै ओलीले मन्त्रिपरिषद बैठक डाकेका छन् । अब मन्त्रिपरिषद बैठक सुरु हुने पनि बालुवाटार स्रोतले बताएको छ ।