ओलीलाई सत्ताबाट तत्कालै हटाउन बाबुरामको माग

३ मंसिर, काठमाडौं । पूर्वप्रधानमन्त्री बाबुराम भट्टराईले वर्तमान प्रधानमन्त्री केपी शर्मा ओलीलाई तत्कालै बालुवाटारबाट हटाउनुपर्ने माग गरेका छन् । जनता समाजवादी पार्टीका संघीय परिषद् अध्यक्ष समेत रहेका भट्टराईले प्रधानमन्त्री ओलीलाई तत्कालै पदबाट हटाउनैपर्ने बताएका हुन् ।

सामाजिक सञ्जालमा टिप्पणी गर्दै भट्टराईले नेकपाभित्रै आरोप लागेपछि अब ओलीलाई हटाउनुको विकल्प नभएको समेत बताएका छन् । नेकपाको झगडामा राष्ट्रपति र विदेशी कुटनीतिज्ञले हस्तक्षेप गर्न नमिल्ने बाबुरामको भनाई छ ।