कार्यशैली नसच्चिए ओलीलाई दुवै पदबाट हटाउने माधव नेपालको चेतावनी

३ मंसिर, काठमाडौं । नेकपाका वरिष्ठ नेता माधव कुमार नेपालले प्रधानमन्त्री केपी शर्मा ओलीको कार्यशैली नसच्चिए पदबाट हटाउने चेतावनी दिएका छन् । बुधबारको सचिवालय बैठकमा बोल्दै वरिष्ठ नेता नेपालले ओलीको कार्यशैली नसच्चिए आगामी दिनमा कडा कदम चाल्नुपर्ने चेतावनी दिएका हुन् ।

पटक पटक समय दिँदा पनि ओलीको व्यवहार नसच्चिएको र पार्टी तथा सरकार नै धरापमा परेकाले अब नेकपाले कडा निर्णय लिन सक्ने उनको भनाई छ । यसका लागि ढिलो नगर्ने पनि नेपालको चेतावनी छ ।

प्रधानमन्त्री ओलीकै कारण संघीय सरकार, प्रदेश सरकार र स्थानीय सरकार छाडा बनेको नेता नेपालले टिप्पणी गरे । यसबारेमा गम्भिर समीक्षा गरेर अगाडी बढ्नुपर्ने नेपालको तर्क छ ।