यी हुन उद्योग वाणिज्य महासंघको चुनावमा भोट हाल्न पाउने व्यापारीहरु

४ मंसिर, काठमाडौं । नेपाल उद्योग वाणिज्य महासंघको निर्वाचनमा मतदाताको नामावली प्रकाशन भएको छ । निर्वाचन समितिले चुनावमा मतदान गर्न पाउने महासंघको जिल्ला नगर संघ, वस्तुगत र एसोसियटतर्फका सदस्यहरुको नामावली प्रकाशित गरेको हो ।

मंसिर ११ गतेदेखि १३ गतेसम्म हुने महासंघको ५४ औं साधारणसभाका लागि निर्वाचन समितिले मताधिकार प्रयोग गर्न पाउने सम्बन्धी मतदाता नामावली बमोजिम सदस्यहरुको नामावली प्रकाशित गरेको हो ।

साथै नामावलीमा रहेका तर नविकरण हुन बांकी सदस्य संघ संस्थाहरुले मंसीर ११ गते विहान ९ बजेसम्म आर्थिक २०७६र७७ सम्मको वार्षिक शुल्क बुझाई तोकिए बमोजिम प्रतिनिधि मनोनयन गर्नु पर्ने समितिले जनाएको छ ।

प्रतिनिधि मनोनय नगर्नेले मतदान गर्न नपाउने पनि सूचनामा उल्लेख गरिएको छ । सूचनामा प्रकाशित नामावली अनुसार जिल्ला नगर उद्योग वाणिज्य संघतर्फ कुल १ सय ७ सदस्य रहेका छन् ।

जसमध्ये प्रदेश १ मा २३, प्रदेश २ मा १२, बागमती प्रदेशमा १६, गण्डकी प्रदेशमा १३, प्रदेश ५ मा २२, कर्णाली प्रदेशमा १० र सुदूरपश्चिम प्रदेशमा १० सदस्य तथा संघ संस्था रहेका छन् ।

यस्तै वस्तुगततर्फ १ सय १ सदस्य रहेका छन् भने निर्वाचनमा राष्ट्रिय उद्योग वाणिजय संघले पनि मतदान गर्न पाउने छन् । जसमा १२ वटा सदस्यहरु रहेका छन् । यस्तै, एसोसिएटतर्फ पनि ९ सय २३ सदस्य संस्थाहरु रहेका छन् भने निर्वाचनमा संस्थापक सदस्यहरुले पनि मतदान गर्न पाउने छन् । महासंघमा संस्थापक सदस्य तथा संघ संस्थाहरु १२ रहेका छन् ।

महासंघको वरिष्ठ उपाध्यक्षका लागि यतिखेर दुई जना चुनावी प्रचारप्रसारमा छन् । चन्द्र ढकाल र किशोर प्रधान आफ्नो प्यानल सहित चुनावी मैदानमा उत्रिएका छन् ।

दुवै उपाध्यक्षले चुनाव आफूले जित्ने दाबी गरिरहेका छन् । प्रधानलाई भने भावी अध्यक्ष शेखर गोल्छाको साथ सहयोग छ ।

महासंघको चुनावमा भोट हाल्न पाउने व्यक्तिहरुको नामावली  यसप्रकार छ :