मुख्यमन्त्री र पर्यटनमन्त्री लिएर ताप्लेजुङको घुन्सा पुगे प्रधानमन्त्री ओली

८ मंसिर, काठमाडौं । मुख्यमन्त्री शेरधन राई, पर्यटनमन्त्री योगेश भट्टराई र संसदीय दलका उपनेता सुवासचन्द्र नेम्वाङलाई लिएर प्रधानमन्त्री केपी शर्मा ओली ताप्लेजुङ पुगेका छन्।

हेलिकप्टरमार्फत् प्रधानमन्त्री ओली सोमबार ताप्लेजुङ फक्ताङतुङ गाउँपालिका वडा नम्बर ६ घुन्सा पुगेका हुन्। प्रधानमन्त्री ओली सीमा क्षेत्र निरीक्षण, लेलेप घुन्सामा बनाइएको सामुदायिक स्वास्थ्य केन्द्र भवन उद्घाटनलगायत कार्यक्रमका लागि गएका हुन्।

प्रधानमन्त्री ओलीले टिपताला क्षेत्रको हेलिकप्टरबाटै निरीक्षण गर्ने कार्यक्रम पनि छ। प्रधानमन्त्रीका साथमा पर्यटन मन्त्री योगेश भट्टराई, नेकपा संसदीय दलका उपनेता नेम्वाङ र प्रदेश नम्बर १ का मुख्यमन्त्री शेरधन राई पनि गएका हुन् ।