मातृभूमि प्रतिको अगाध माया दर्शाउदै ‘मेरी आमा’ लिएर आए मनिष

९ मंसिर, काठमाडौं । सुमधुर आवाजका धनी गायक मनिष लामाको राष्ट्र प्रेमले ओतप्रेत भएको नयाँ राष्ट्रिय गीत ‘सम्झन्छु मेरी आमा’ को म्युजिक भिडियो सार्बजनिक भएको छ।

गीतको माध्यमबाट देशका युवापिडीहरुलाई जागरुक बनाउँदै आफ्नो मातृभूमिप्रतिको कर्तब्यलाई नबिर्सन र नेपालीहरु संसारको जुनसुकै ठाउँमा जहाँ रहे पनि मन भने नेपाली नै रहिरहने सन्देश गीतमार्फत दिन खोजिएको छ। आफ्नो भेषभुषा, कला संस्कृतिलाख् जगेर्ना गर्दै आफ्नो देश नेपाल आमाप्रतिको माया देखाइएको छ।

शब्द संगीत तथा स्वर मनिष लामाको रहेको यस गीतलाई बासुदेब श्रेष्ठले एरेन्ज गरेका छन्। अर्जुन तिवारीले छायांकन गरेको सार्बजनिक म्युजिक भिडियोलाई मनिष लामा आफैले निर्देशन गरेका हुन् । भिडियोमा मनिष लामा लगायत साथीहरुलाई फिचर्ड गरिएको छ।