महासंघका अधिकांश पुर्व अध्यक्षहरुको मतदातालाई आग्रह : यसपाली वरिष्ठ उपाध्यक्षमा किशोर प्रधान ( भिडियोसहित )

९ मंसिर, काठमाडौं । नेपाल उद्योग बाणिज्य महासंघको वरिष्ठ उपाध्यक्षका लागी वर्तमान अध्यक्ष भवानी राणाले सहमतिका लागी सोमवार गरेको प्रयास असफल भएपछि महासंघका पुर्व अध्यक्षहरुले सहमति नभएपछि लोकतान्त्रिक प्रक्रियाबाट निर्वाचनमा जानु पर्नेमा जोड दिएका छन् ।

विवादित छवि भएका पुर्वअध्यक्ष चण्डी ढकालको भरोसामा चुनाव लडेका चन्द्र ढकालले अधिकांश पुर्व अध्यक्ष र वर्तमान कार्यसमितिको साथ पाउन सकेनन् । वर्तमान अध्यक्ष भवानी राणा, भावी अध्यक्ष शेखर गोल्छा, निर्वतनमान अध्यक्ष पशुपति मुरारका, पुर्व अध्यक्ष कुशकुमार जोशी, विनोदबहादुर श्रेष्ठ,  प्रदिपकुमार श्रेष्ठ, महेशलाल प्रधान, पदम ज्योति मात्र होइन अन्तिमसम्म सहमतिको प्रयास गरेका रविभक्त श्रेष्ठ, सुरज बैध, आनन्दराज मुल्मीले समेत भावी अध्यक्ष शेखर गोल्छाको समुहबाट वरिष्ठ उपाध्यक्षका उम्मेदवार रहेका किशोर प्रधानको पक्षमा मत जाहेर गरेका छन् ।

किशोर प्रधान र चन्द्र ढकाल दुवै जना महासंघका लागि चाहिने ब्यक्ति हुन् । कोभीड महामारीका बेला सहमतिबाट सर्वसम्मत नेतृत्व चयन गरेको भए निकै राम्रो सन्देश जाने थियो तर त्यो सम्भावना सकिएपछि लोकतान्त्रिक बिधिबाट चुनावमा जादाँ यसपाली किशोर प्रधानलाई निर्वाचित गराउन निर्वतमान अध्यक्ष पशुपति मुरारकाले आग्रह गरेका छन् । अर्कोपटक हामी चन्द्र ढकाल जीलाई पनि वरिष्ठ उपाध्यक्षमा मत जाहेर गर्न आग्रह गछा,ैं मुरारकाले भने ।

त्यस्तै मत छ अर्का पुर्व अध्यक्ष कुशकुमार जोशीको पनि । यो लडाई खासमा महासंघलाई कमाइ खाने पेशा बनाउनेका बिरुद्धमा हो । अघिल्लो पटक शेखर जीसँग चुनाव हारेपछि महासंघबाट बिदा हुनु भएका किशोर प्रधान जीलाई तपाई बिना महासंघ चलायमान भएन, प्रमोद श्रेष्ठको उपाध्यक्ष पदमा आइदिनुस्, अर्को पटक वरिष्ठ उपाध्यक्ष तपाई नै हो भनेर पद बाड्ने मानिस अहिले आएर आफनो स्वार्थ अनुकुल महासंघलाई राजनीतिकरण गर्न मिल्छ ? जोशीले प्रश्न गरे ।

वर्तमान अध्यक्ष भवानी राणा र भावी अध्यक्ष शेखर गोल्छाले किशोर प्रधान र चन्द्र ढकाल दुवै जना निकै क्षमतावान र महासंघको गरिमा उच्च राख्ने ब्यक्ति हुदाँहुँदै पनि महासंघको सुद्दृणीकरण र शुद्धीकरणका लागि यसपाली किशोर दाई अर्कोपटक चन्द्र ढकाल भन्नुपर्ने अवस्था आएको बताए । यो चुनाव किशोर दाईले जित्ने बित्तिकै महासंघमा आगो बालेर ‘दुधको साची बिरालो’ बन्ने अनि चुनावको नाममा ‘भाई फुटे गवार लुटेका’ तालमा स्वार्थ अनुकुल महासंघ चलाउन खोज्नेको पतन हुन उनले बताए । हाम्रो लागी र महासंघको उज्जवल भविश्यका लागि यो आवश्यक भएको उनले बताए ।

पुर्व अध्यक्षहरु महेशलाल प्रधान, प्रदिपकुमार श्रेष्ठ, बिनोद बहादुर श्रेष्ठ, रविभक्त श्रेष्ठलगायतका पुर्व अध्यक्षहरुले समेत निर्वाचन नै हुने अवस्थामा महासंघ बलियो बनाउन शेखर गोल्छाले काम गर्नका लागि छानेको टीम नै महासंघको टीम हुने बताए । वरिष्ठ उपाध्यक्षमा किशोर प्रधान जी आए पनि चन्द्र ढकाल पनि चेम्वर आन्दोलनमै रहने गरी वातावरण निमार्णका लागि पहल गर्ने पुर्व अध्यक्षहरुको भनाई छ ।

किशोर प्रधानलाई प्रदेश नं १, २, बागमती प्रदेश, लुम्विनी प्रदेश र सुदुर पश्चिम प्रदेशका अधिंकाश जिल्लानगरका जिल्ला अध्यक्षको समर्थन छ भने कणार्लीमा दुवैको राम्रो रहेको बताइन्छ । गण्डकी प्रदेशमा भने चन्द्र ढकालको पक्षमा माहोल देखिन्छ । अधिकांश जिल्ला नगरका अध्यक्षहरु मङ्सिर १३ गतेबाट स्वतह अध्यक्ष बन्ने शेखर गोल्छाको पक्षमा देखिएपछि किशोर प्रधान वरिष्ठ उपाध्यक्षमा आउने पक्कापक्की जस्तै छ ।

अन्य उपाध्यक्ष पदहरुमध्ये एसोसियट्समा सौरभ ज्योति अघि छन् भने जिल्ला नगर र बस्तुगतमा कडा प्रतिस्पर्धा रहेको महासंघ सदस्यहरु बताउछन् । वरिष्ठ उपाध्यक्षमा किशोर प्रधानलाई जिताउनका लागि महासंघका वर्तमान अध्यक्ष, भावी अध्यक्ष, निर्वतनमान र पुर्व अध्यक्षहरुले भिडियो सन्देशमार्फत आग्रह गरिरहेका छन् ।