नेकपाको स्थायी कमिटी बैठक अन्यौलमा, सदस्यहरुलाई छैन् जानकारी !

१६ मंसिर, काठमाडौं । नेकपाका अध्यक्ष  केपी ओली र प्रचण्डबीचको विवादले स्थायी कमिटी बैठक अन्यौलमा परेको छ । मंसिर १८ गतेका लागि तय गरिएको स्थायी कमिटी बैठकबारे अहिलेसम्म पनि सदस्यहरुलाई जानकारी गराइएको छैन् ।

यही मंसिर ३ गते बसेको सचिवालय बैठकले स्थायी कमिटी बैठकको मिति तय गरेको थियो । तर, बैठक बस्न दुई दिन बाँकी रहँदासमेत स्थायी कमिटी सदस्यहरुले आधिकारिक जानकारी नपाएको बताएका छन् ।

स्थायी कमिटीका सदस्य वेदुराम भुसालका अनुसार अहिलेसम्म बैठकबारे औपचारिक जानकारी दिइएको छैन् । यसपटक नेकपाको संकट उत्कर्षमा देखिएकाले पनि स्थायी कमिटी बैठकलाई चासोका साथ हेरिएको छ ।

तर ओली र प्रचण्डको विवाद हेर्दा स्थायी कमिटी र मंसिर २५ गते बोलाइएको केन्द्रिय कमिटी प्रभावित हुने देखिएको छ ।